عوده لي من جديد لغرابيل
قصيده متواضعه جداً
أتمنى تنال إعجابكم وترقى لمستوى ذوائقكم الشعريه
أترككم معهاااا
،
،
،
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ياقلب لاتحزن على ذيك الأيام=مافات مات ولاتراجع قديمه
.
ذكرى قديمه أصبحت مثل الأحلام=ما للعمر بوجودها اليوم قيمه
.
دمعه لها في حاجري عدة أعوام=وأحزان من جور الليالي مقيمه
.
يمكن عشقته لكن العشق مادام=لأن الخيانه في حياته غنيمه
.
بين الرجا والياس عايش ومنضام=الشوق يذبح والحنايا هشيمه
.
قدام ياحظي مع الوقت قدام=خله يذوق اليوم طعم الحريمه
.
حب النقا ما ينكره دين الإسلام=يوم النوايا والضماير سليمه
.
واليوم ساس الحب كشخه ومرزام=شكله يجنن بس روحه سقيمه
.
ماعاد يرضيني معه حب الأفلام=ناس (ن) تدبلج حبها للجريمه
.
طويت صفحات الهوى طي بإحكام=في ذمتي ياقلب حبه ذميمه
.
وياقلب لاتحزن على هاك الأيام=مافات مات ولا نفعنا قديمه[/poem]
.
.
.
سلومة العتيان