(1 )
. . . . . . . . . . . . . . . . . . . . . .
. . . . . . . . . . . . . . . . . . . . .
(2)
ويقول هالدنيا بخير ...
مايدري ان الحال غير ...
(3)
الله ياهذا الزمن . . !!
ياهو غريب ومختلف . . . !!
يكتبنا عكس المفترض . . !!
من (ياء ) حزنه للألف . . !!
وكل مانويت انسى الجراح . .
واقول ليل الحزن راح . .
يردني الحب القديم . .
نحو الأماني للأســــف . . !!
(4)
كم قالت اني ( مغترب ) . .
وانا ادري الغربة ألم . .
قلت ( الوطن ) قالت :هنا . .
( قلبي ) وماخط القلم . .
كانت ملاك فاتنة . .
وغير البشر في كل شي . .
مات الفرح بعيونها . .
بس الامل بالحب حي . .
ليته يموت من الندم . .
كثر مافيني من ندم . .
( 5)
كم قلت وش اخر مدى . . ؟؟
في ليل ( شعرك ) لابدى . .
يرسم (تفاصيل الضياع) . .
وانا اتبعه . . واضيّع عيوني معه . .
وهل هو صحيح . . ان الثواني ممتعه . .
ردت لي الطرف الخجول . .
لحظه ( عسى عمرك يطول ) . .
لو انت عارف وش تقول . .
علمني كيف اوصل مداك . .
وانا هنا في معمعه . . !!
( 6)
ذاك المكان أتذكره . .
ياماجمعنا عاشقين . .
كنت اعتذر له واشكره . .
مما بقلبي من حنين . .
كان اجمل بعين ( المحب ) . .
هناك ( عطر انفاسها ) . .
أحساسها . . كل شي كنت اتأمله . .
من رجلها ليا راسها . . !!!
(7)
جيت المكان ولالقيت . .
الا بقايا طيوفها . .
وسؤال في صدري ولد . .
انهي التلاقي ( خوفها ) . .
وصرخت يا أغلى مكان . .
تزهر بقلبي وصوفها . .
( هي وين ؟؟ وين الغالية ) . .
لاتقول راحت للأبد . . !!
ورد المكان بعبرته . .
( أقرأ معاااي حروفها ) . .
" يامغترب محبوبتك ..
إنسى ماراح تشوفها "
( 8)
ومشيت ودموعي بحر . .
والصبر من صبري إنتحر . .
ومرت سنة . . !!
لا حب لاجرح وسهر . .
كني مع العالم ( غريب ) . .
( مريض . . . والفرقا الطبيب ) . .
( 9)
وصدفة لمحت عيونها . .
وشفت بيديها ( الكارثة ) . .
(دبلة خطوبة ) . .
علمتها . . ضاع العمر ( من دونها) . .
وانا انتظر . . ( اخونها ) ؟؟
والا اموت . . من العنا مااخونها . .
( 10)
نست عيوني والكلام . .
خذاها من ايدي الزحام . .
نست جميع الذكريات . . !!
وقلب مع الايام ( مـــات ) ..
والحب والتقدير . .
وهذا يردد للأسف . .
( الدنيا مازالت بخير ) . .
( 11 )
وتدور الأحداث . . . ! ! !