[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
في البداية كنت أجامل وأتجاهل كـل ميـل=وأعذرك عن كل زلة في حدود المستطـاع
كنت أجامل في سكوتي ودي أبدا بالجميـل=لين شفت أن الرصيد من الجمايل فيك ضاع
وشفت ماللطيب خانة ولابقا بي زود حيـل=تحسبين أني سفينة وأنتـي حبـال الشـراع
تحسبين الحـب طوعنـي وخلانـي ذليـل=وأنا والله ماعرفت الذل من سـن الرضـاع
ماني خاتم في كفوفك واللا مقضابة صميـل=تجذبينـه بإنخفـاض وتدفعينـه بإرتـفـاع
إعشقيني وافهميني كان قلبـك لـي يميـل=وإتركيني كان قدري مايجي مثمـون صـاع
الأصيل بعزته يبقى علـى ماهـو أصيـل=والفوارق واضحة بين الدواجـن والسبـاع
لايغرك يوم أقول الحال من عشقـك نحيـل=والضياع إذا رحلتي راح عمـري للضيـاع
روحي لأكبر ساحرة,, كـان ودك بالدليـل=وإطلبيها تعقد لأمري مـع الجـن إجتمـاع
وترسل أقوى جن يمّي ممتطي صهوة أصيل=رافع شعار التحدي للشجـاع بـن الشجـاع
ما خُلقت عابدا للعشقِ والطـرف الكحيـل=ولو سكني جن عشقك مالويتـي لـي ذراع [/poem]
,,,