قالت انتبه باقي على شفتك رووج

[ران]

هذه القصيدة الحقيقة رائعة وجازتلي كلماتها الدقيقة فاحببت نقلها لكم هنا ....



ياعين من حطيت عيني بعينه ... وابطيت واقف في بحر عينك اموج

ابحرت في عينه بليا سفينه ... سجيت فيها لين ضيعني الموج

حاولت الــد الشوف عما يهينه ... ولا انتبهت الا وانا فيه ملبوج

شفت الفتن في ملتقى حاجبينه ... والسحر في عينه مع الزين مدموج

اسود سواده لابسته السكينه ... وابيض بياضه طايش اللون مرجوج

زاويه طرفٍ حاجزٍ دمعتينه .... لولاه كان الخد بالكحل ممزوج

كاسيه رمشٍ زاد ملحه وزينه ... من فوق متكحل ومن تحت مدعوج

بين الرموش السود شفت الغبينه ... واللي رماه الرمش ماعاد له بوج

مرت ثواني من حياتي ثمينه ... وانا اتهادى بين الاشواق وادوج

مرت وانا قابض على راحتينه .... واقف مقابل له ساهي ومدلوج

مدري وش اللي صار بيني وبينه ... والقلب ماردنه اضلوعي العوج

ولا انتبهت الا بسحبت ايدينه .... قال انت تبغى الناس تلحقني بهروج

قلت اعذر اللي شافك الله يعينه ... يبطي ودمعه بعد فرقاك مزعوج

عينك بنظرات الغلا مستهينه ... . قال الغلا في داخل القلب منسوج

قلت الوعد قال ايه كلش بحينه ... الله يفتح لك من الضيقه فجوج

قلت آآآه طيب شفلي الدرب وينه ... قال انتبه باقي على شفتك روج

قلت لها ادري بس لاتمسحينه ... ابقهر بلونه مطافيق وعلوج

ودمتم


للأمانه............ منقول

[دمعة سراب]

ران

غاليتي

مرحباً بكِ معنا في غرابيل
إختيار موفق غاليتي
لاهنتِ

همسه: ينقل للمنقولات الأدبيه

مودتي

[خــــالـــــد]

[align=center]ران

.
.

شكراً لك على النقل الجميل لهذه القصيدة

وأتمنى ألا تكون الأخيرة

ننتظر جمال قصائدك وذائقتك الشعرية




أخوكـ/خالد[/align]