الله يمسيكم بالخيرات واليكم واحدة من قصائدي القديمة
امل ان تلقى اعجابكم
تكفين..
يابنت حسْب آمالنا فيك..تكفين=تكفين..قُلته كان باقي مرُوّه
خُذي بقلبي الاجر من نظرة العين=الى رمشْتي..تقتليني بقوّه
وأنا ضعيفٍ كيف بأقوى لجرحين=من نظْرتك..والبسمة اللّي تتوّه
والعُمر كلّه..يعْدِله يوم الاثنين=أطفيت شمع الياس..وأشعلت ضوّه
الله جمعنا..والتقينا نظيفين=واسم الشَّرف..مايقْرن الاّ بهُوّه
علّقت له تاجٍ ونجمة وسيفين=رتبة هوى..تعطي تحيّة سموّه
طيفه قريب..وعن دياره بعيدين=مثل القمر فايت..ولا فات ضوّه
غير البلا انّه طوّف العمر عيدين=وأشوف طيفه..غير ماني بتوّه
هات الدّوا..واستعجلوا فيه ذالحين=الشوق ثاير..كيف نلقى هِدُوّه
والى طلبنا..لا تقولون بعدين=بعدين..ترموني بها وسْط هَوَّه
ماآريد غير أجدّد العهد باثنين=عينه..وبسْماتٍ مداها يتوِّه
وســـــــــــــــــــــــ ـلامتكم جميع