إجتمع القاضي والمُدعي والمُدعى عليه
ويا للأسف كان القاضي المسكين هو الضحية !!!!!!!
[poem=font="Simplified Arabic,5,black,normal,normal" bkcolor="transparent" bkimage="backgrounds/1.gif" border="double,4,gray" type=2 line=0 align=center use=ex num="0,black"]
" معاناة قاضي"
القاضي أصبح طول وقته يحاتي=يجرع قضية كنّها العلقم السام
حيران كيف يبت فيها بتاتي=تاهت به أفكاره ولا صدر أحكام
قالو له إقرأ الحشر والصافاتي=ياشيخ وإقرأ في تبارك والانعام
يمكن غيومك يعتريها صفاتي=ويقرّب اللي فات ويصيبك إلهام
قال الأمانه ياعرب من سماتي=والحق والحكمه لها عندي إلمام
مير البلى من غايتي وامنياتي=اللي بحبره خربش الروح باوهام
لا من لمح برموشه الناعساتي=يرجف فؤادي ثم صابه تبلكام
عشته قضيه في منامٍ سباتي=في حلم رايق غير عن كل الأحلام
حلمٍ يبعثرني ويجمع شتاتي=مازارني مثله من اشهور واعوام
كنت أحسبه دجله وأنا كالفراتي=لكن غدى الجاني وانا المدع العام
ياكاتب التمييز جب لي عباتي=والغترة اللي ميّلت دون مرزام
وأرجوك لا تنسى تقرب عصاتي=ماعاد تسعفني على السير الأقدام
ماينفع المغلوب رمي الكراتي=ولا ينفع الجمهور ترفيف الأعلام
قريت حلمي ع المفسر زناتي=قال أنت يا مسكين محكوم بإعدام
تبي تسافر لكن القطر فاتي=لوس انجلس يا بعدها عن ستردام[/poem]
اللي ينسقها بيض الله وجهه ..
إحترامي
أسير البين
رد مع اقتباس
المشاركة الأصلية كتبت بواسطة خالد الشهري
