[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مصافحه اولى
قصيده متواضعه
اتمنى ان تنال اعجابكم
ياصاحبي ماغيرها النفس وأبليس=تامر بسو وسوها لادعاها
لسلوم أهل روما وعادات باريس=ماهمها شوف العيون وعماها
تطمع كذا تجار ولا مفاليس=لو خوفها عيا يعادل رجاها
فيها الهموم أحيان مثل الجواسيس=والمشكله عوج الظنون تحماها
مثل النوايا في صدور المحابيس=من دونها ساعه وساعه وراها
هذا وطبع الوقت مثل التضاريس=حسب الظروف أرض السنين وسماها
والايام هي الايام دايم مقاويس=لو بردها لو حرها من هواها
تعطيك شفك يوم بقصا المراويس=وتزيد همك يوم لاشح ماها
وبين التهاني والتعازي هواجيس=يامن كتبها بالرموز وقراها
والمرجله ياطالبين النواميس=صعبه ومن قدم يمينه لقاها
ماتهمني ليلى ولاهمني قيس=والناس يعرف طيبها من رداها [/poem]