[poem=font="Simplified Arabic,4,black,bold,italic" bkcolor="transparent" bkimage="" border="none,4,black" type=1 line=0 align=center use=ex num="0,black"]
عسى ما أزعلتك البارح وزودت الجراح جراح
عسى ما مرت الدمعة على أهدابك من أسبابي
جرحتك من كثر شوقي وخليت الكلام رماح
ولا أدري شلون يا عمري طعنتك حيل بعتابي
بدون شعور صدقني تر ىكثر الغلا ذباح
تعال وشوف بغيابك غلاك شلون سوابي
حرام تغيب من عمري وتعطيني الفراق وشاح
حرام الدمع في عيني مناديله في أهدابي
غيابك يشغل عيون الزوايا وأمتلي أشباح
وأنا أنثر صوتك بقلبي مكان وأشعل أبوابي
تلفت للأمل دام الرجا في عمري المنواح
أناديلك ولو شرهة وصولك تقطع أعصابي
أبيك الجاي من عمري أنا ما أبيك شي وراح
ما دامك أجمل وآخر ما دامك أول أحبابي
أبي أرتاح يا عمري أنا أدري هم تبي ترتاح
تعال و قبل ما أفرح ترى تفرح بك ثيابي
أحبك يا بعد عمر الحزن والجرح والأفراح
أحبك كثر ما نامت عيونك داخل أهدابي[/poem]
[align=center]الشاعر..سالم سيار
استمع للقصيدة..
http://www.dwaihi.com/poem/22syar17.ram
تحيتي..
المجروحة..[/align]