[frame="7 80"][poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اول كنت اغفرلك غلطاتك وزلاتك=واقول العيب هو فيني واثاري العيب كله فيك
جرحت القلب ياقاسي كفايه زدت غلطاتك=نسيت اللي عشان الحب كانت دايما ترضيك
خلاص انسى هديل اللي تتبع سير خطواتك=خلاص القلب ياعمري تعلم مايبي طاريك
خساره كنت احسب الطيب والأخلاص في ذاتك=خساره كيف تترك طفله من صغرها تغليك
وجيت اليوم تطلبني تبين عمق آهاتك=عبالك لو انا شفتك بتضعف قسوتي واجيك
امانه لا تعل قلبي بنوحك لي ورجواتك=حبيبي انتهى لعبك حبيبي انتهى ماضيك
مدام انك تعرف انك ابد مو قد كلماتك=علامك رافع ٍ نفسك تهدد ثم تقول ابيك
عرفت الحين قدري يوم ذوقتك خساراتك=عرفت الحين قدري يوم عرفت اني انا ماابغيك
على وجهك اشوف الهم واشوف تصب دمعاتك=واحس انك بعد نادم على اللي قررت تجفيك
ابد ماهي صغيره ياحبيبي فيني سواتك=تركت القلب مابين الجفا والصد والتشكيك
اعلمك كيف تتجرأ علي بكل كلماتك=وعلى كل الذي سويت انا والله مااخليك[/poem][/frame]