على صدرك أنام الليل وبحنانك يُمّـــه تغطيــني
وإذا ضاقت بي الدنيا أنشِد صــــدق دعــواتــك
يانبع الطيبه في دنيا ي ياأجمل حُب في ســنيني
فديتك ياأغلى مخلوقه بس مــــاشوف دمــعاتك
حنانك يُمّه غـــــــرّقني وأنبت كــــل بساتــيني
بــــورد الحب والإحساس وعطّر كــــل صفحــاتك
رسـمتِ من دفا قلـــبك دروب للــــخير تهديني
ونوّرتِ ظلام الليل يايُمّه بــــــنور نــــجمــاتك
سقيتيني بــــــــحور الـود ومن نبعك رويتـيني
وعطيتيني كل وقتك وصـــرت أُولى إهتمامــاتك
يايُمّه مـــــن عرفتك وإنتِ على نفسك تــبدّيني
طــموحك فرحة أيامي وهاذي أســمى غايـاتـك
ولو لحظه أغــــيب عنّك بكل خـــــــوفٍ تحاتيني
ويـسبق صوتك الغــالي يايُمّه حــــزن عبراتــك
وإذا حسِّيت أنــــــا بالبرد ماغير حضنك يدفّيني
جمعتِ كل حنان الكون وحبستيه وسط ذاتــــك
أحـــــــــبك ويشهد ربّـــــي هواكِ في شراييـني
تغلغل في وسط روحي وعزف بالحب نــــغماتـك
أحــب قلبك وأحـــــب اسمك وقربك يانظر عيني
وأحب صوتك وهمسك وأموت بطيب نـــظراتك
ومـــــهما أقدارنا تحكم وعنك بــــــعيد تودّيني
تبقين أقرب لروحي بقلبك وصــــوت نبضـــاتك
يــــــــايُمّه يحق لــــي أفرح وكل الناس تهنيني
مــــــــادمتِ راضيه عنّي ودليلي إبتسامـــاتك
وأبد مـــــــــاعاش من يــــقدر لذكراكِ ينسّيني
وكــــــيف أنساكِ وإنــتِ الحنان بكل عـــــاداتك
وربّي اللي خلقني من تــــــراب الأرض والطيني
ترى مازاد حلى الأشــــعـــار إلاَّ طيب كلمـــاتك
ملكة الإحساس