امل من المشرفين تغيير عنوان الموضوع إلى اهداء إلى أسعد الروابه ولا يهونون باقي الأعضاء
هذه قصيدة وجهت إلى شخص يسمى عيد ولكن لم يوفق في الرد عليها فأنا وبدون علم خالي ولعدم كفاءة عيد فق قمت بتحويلها إلى شاعر الريف أسعد الروابة وأتمنى أن يشرف هذه القصيدة بقرائته لها والرد عليها بنفس عدد أبياتها فأنا أريد أن أكون قد سجلت في تاريخ أسعد الروابة.
[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
سر يا قلم واكتب من القلب تعبير=بأجمل حروف الشـــعر قول بديـــناه
وبــلغ سـلامي والتحية وتـــقدير=للـــصاحب اللـــي دايـــم الـدوم ننخاه
الشاعر اللي يسخر القاف تسخير=غارف جزيل القـــاف فــي كـــف يمناه
راعي الكرم والطيب زبن المناعير=ذابح سمــين الحــــيل من طيب مرعاه
واشرح له الموضوع من دون تقصير=واذكر له الــلي صــاب قلبي ولا أخطاه
اللي سلب عقلي ولا أرسل تحاذ ير=اللي غـــزا قلــبي مــن أقــصاه لأدنـاه
أبو عيون وساع سود المحا وير=أبــــو الجديل اللــي وصل حد ماطاه
والزول كنه زول ريم المغافير=والـــخد نـــوره ســـاطــع فــي محياه
أن أشهد أن ماصارمثله ولا يصير=ولا رايح الــقى فــي حــلايــا مـزاياه
وأنا أشهد أن فرقه كثير على الغير=ولا شفت أنا يا عيد مــثله وشـــرواه
ويحتار وصفي لك بسيد الغنادير=وتعجز جميع الناس توصــف حلاياه
عقل وجمال وافي بالتصاوير=سبــحــان رب زيــنــه ثـــــم حـــلاه
صدفة أنا شفته مع أخوله صغير=أبـوه وأمــه عــن يــميــنه ويــــسراه
لا حقتهم والقلب كنه يــبي يطير=والفكـــر تــايه يا صــديقي بمسراه
ناظر بطرف العين يرسم تعابير=وصـوب سهـــوم الـموت ياعيد عزاه
من يومها ياعيد ما شفت أنا خير=نــوم العرب ياعيد عـــفــته ولا أبــغاه
أسهر طوال الليل بــــهم وتفاكير=وأجـــــاوب الـــونــات والأوف والآه
ماكنت أحسب الحب كله مخاسير=ولاكنت أظنه يـــمرض اللي تـــبلواه
ولاكنت أظنه يخدر القلب تخدير=يشغــــلي الـــتفكـــير باللي هـــويناه
ياليتني ما اشوف أضلع ولا أسير=ولا رحــت أنا يا عيد يــم المواساة
ياعيد علــمني وهــات التــقارير=وشلـون أنا أشوفــه وياكيــف أبــلقـــاه
عجل علي الرد من دون تأخير=عـجل بــردك يا صديقي وعـــطناه
والختم صلوا عد ما غرد الطير=واعداد ما يدرج من السيل بمجراه
على رسول ذاع كل التباشـير=وحارب جميع اللي عصوا ربنا أهداه[/poem]
كلمات الشاعر علي بن عشوي العنزي
الدمام