--------------------------------------------------------------------------------
حلمنا عصفور يزقزق
ناسي ان الناي حزين
وان فيه كم حلم زيه
كان جناحهم مكسورين
فوق جدار حلم السنين
اللي ماشيه
وفوق خطوط العمر سانده
غصب عنا او معانده
والزمن يرسم خطوطه
جوه حضن الليل يبان
مين بيتحدي الزمان
شمس بكره تاه حروفها
ليه خيوطها دبلانين
نفسي اغزل حلمي منها
يمحي من قلبي الانين
وبين شفايف البحر ارمي
لحن عصفوري الحزين
وبصوابعي اللي ف ايديه
ارمي بالموجه العفيه
في جدار البنايين
يبنوا لينا فجر بكره
المحمّل بالبشاير
والقي قرن الشمس ساير
جاي يفك المسجونين
يمحي من ليلنا القلق
ويرعي حلم بيتخلق