سيكم بالخير....
هايات شباب وبنات ..
صراحه من زمان ماكتبت باصابعي الحلوه . قصه طويله . تخبرون ان المهانه (التعيجز ) له دور كبير ..
بس اليوم قررت اني احكي لكم حكايه مكوكيه لي انا وابو نوال (الوجعان ابو ريحه )
يوم من الايام والساعة تدق على 6.30 مساء .. وانا توي طالع من الدوام . وسعبولتي تقطر من كثر ماني دايخ .
المهم قمت اخذت لي دش . وشربت بعدها عصير ليمون ..
ههههههههههههههههههه
اي ليمون يالاسكوتلندي .
عفوا قصدي شربت شاهي .. ودقيت على المطمع وطلبت نص دجاجة على الفحم .. ودبيت فيها لين طلع البقدونس مع اذوني ..
وبعدها طقيت لبن الصافي ابو ريالين ( خرجاوي مايشرب إلا من لبن الخرج ) لين ماعاد قدرت اتنسم . ولو افتح فمي لك .. تشوف اللبن ناقع في حلقي ..
((خيستكم صح ))
بعد مااخذت الهروين (اللبن ) وطقيت المكيف . وحطيت رجولي على المركى ونزلت المكيف عشان يبرد على السيقان .. وحطيت الدش على قناة السودان . عفوا قصدي على قناة dreem والفنانة الحلوه . كريستينا آليقيرا تدندن على اذوني ..
بعده بلحظات غفيت .
مادريت إلا مزنه ونوف عند راسي وحده جالسة بحضني والثانية بجنبي . . صراحه انا مت من الخجل . وتجي نوف وتقبصني مع جنبي ... عاد اهي الله يهديها دمها خفيف مره . وترجع مره ثانية وتقعد بحضني ...عاد انا مافيني حيل حتى اناظر لها .. ومزنه قاعد تبوس في خدودي .
ملاحظه ((مزنه ونوف بعوضتين عندنا بالشقه ))
المهم انا مافيني حيل اهش ولا انش . مادريت إلا و 911 ابو نوال . داخل علي ويزلق بالبلايستايشن . ودررررررررردب وإلا اهو على تسبدي .
المهم انه انقذني من البعوضتين .
<<== ياهو زووووووووول من جد .
جاني ابو نوال يشكي من الضيقه ومن حر الرياض . قام عرض علي اني اروح معه للشرقيه .
طبعا من هنا بدأ الكلام الجد .. يعني خلاص ضحكنا معكم بما فيه الكفاية ..
المهم قال ورا مانروح للشرقيه واوريك البحر ..((هههههههههه)) دارين ليه اضحك صح ..
واوريك الراشد والكورنيش ..قلت له مافيه مشكله . بس على شرط ..
في هذه اللحظات جاء ابليس اللعين وسعبل بمخي . ،،. قلت يابو نوال ماهي مشكله اروح معك بس نروح للبحرين .
تخبرون اختبارات ورخيصه .
قال ماهي مشكله .
المهم قام يغريني . ويقول امشيك على الأودي واسوي واسوي . عاد انا سالت يوم قام يوصف لي سوق مادري ايش فؤاد .. واسواق مادي ايش .
المهم قلت ماهي مشكله بس على شرط اني اروح لواحد من العيال هناك واجلس عنده ..
والله مارحت عنده لسواد عيونه . عشانه يدل زين في البحرين .. لي سنه مارحت لها .
عطاني الضوء الأخضر. بس اختلفنا على نقطه ..
على سيارة مين نروح ؟؟؟؟؟؟؟؟؟؟؟؟؟؟
طبعا نظرا لبخله ولكرمي .. اقريت اني اروح علىسيارتي عطفا وتكرماً مني .
يوم الأربعاء الاسبوع الفائت . يعني الناس تذاكر وإنا نبي نسافر .
فاهمين قاعده خالف تعرف غلط .
المهم يوم الاربعاء بعد المغرب . والله وندق سلف على موتري . وندعس . المهم قبل مانطلع من الرياض . إلا ابو نوال ناقز بحضني . وقف ..
وقف ....
وقف ..
ليه ابو نوال وش فيك .
قال لي إن فيه واحد يأشر ونبي نوصله معانا .
<<== حقد عليه .
قلت ماهي مشكله . بس مابي منه شئ ابي اوصله لوجه الله .
قال خلاص ..
المهم ركب معانا
سلام
وعليكم السلام .
وين رايحين ياشباب ..
رايحين الدمام .
اركب خاونا .
المهم ماصدق على الله احد يوصله ببلاش . إلا واهو ناقز على ملابسنا وراء.
ركب معانا .
طبعا انا طفيت المسجل إحتراما وتقديراً له .. واهو ماصدق على الله . انفلت علينا ماسكت لين نزلناه . الدمام .
واحنا بالطريق . طبعا الجو حار مره . ومشغلين المكيف .. واهو راكب ورا وقاط وجهه بيني انا وابو نوال .
إلا واهو والشيخ اللي معاي قاعدين يتنظلون السياره .
ابو نوال يقول لو دارين كان مآخذين معنا دجاج عشان نحطه بالفريزي .(( اللي اهو مكيف سيارتي))
والثاني يقول . ياخي والله وجي جمد عليك الله ان تطفيه ..( اكتشفنا إنه جنوبي)
وبدر ماغير يتقلب واهو خايف على سيارته ..
المهم ان الرجال ماسكت . وانا جاني النوم من سوالفه . اشتكيت على مادري مين وانا اشتغل في شركة الإتصالات . كأنه مافيها موظفين إلا اهو .
واي شئ تبونه .
بغيت اقول له خلنا نوصل .
المهم جانا أول تفتيش .
الرخصه والإستماره ..(( العسكري ))
طبعا رخصتي منتهيه . فـ عطيته بطاقة العمل , , وابو نوال بعد . والاخ اللي معانا عطاه رخصته .
قال لي . يااخ سعود رخصتك منتهيه.
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قلت مين سعود أنا بدر .
أكتشف إن الغبي معطيه رخصته . وطلعت متنهيه.
المهم التفت لي العسكري . وقال . وين رخصتك .
ههههههههههههه
انا طلعت له ضروسي كلها . قلت له معي . قال لي عطني اياها . طبعا اعطيته إياها .مرادفها .. لبق على جنب .
نزلت وانا اخلاقي تجاريه . والنفس ضايقه .
اول ماجيته . قال خذ يابعد وجددها .
طبعا بدون مخالفة.
بعدها مسكنا الخط . والرجال ورا قاعد يسولف لين وصلنا الدمام .
واهو يقول انا اخوي مادري وش فيه . وخالي مادري وش فيه . وكفلت واحد بسيارة ولا سددني ..
المهم . وصلنا الدمام . واول مانزلناه .وكلمت خويي عند بنده اللي علىطريق الملك فهد..
واول مانزلت ......
ورررررررررررررررررررررررر ررررررررررررررررررررررررر
إلا الرطوبه ساطرتين على خشتي ..
التكمله في الحلقه الجاي .
تشاهدن في الحلقة القادمه .
1- الدمام
2- الراشد
3- العزيزيه (الدبابات)
4- كورنيش الخبر .
5-البنشر .
6-
إلخ .
بدوووووووووووري
رد مع اقتباس
