[align=center]
السلام عليكم ورحمة الله وبركاته
أنا أتحداكـ يا جرحي
إذا تقدر في يوم تطيب
وأشوف النزف متوقف
وإذا الجارح يمر بيوم
أنا أتحداكـ ما تنزف
نزف يجفف عروقكـ
ويقضي على أنفاسكـ
وبدل ما يريحكـ ها النزف
يزيد عليكـ جروحكـ
وقبل لا تنجرح أكثر
أنا أتحداكـ يا جرحي
تروح لمن طعن قلبكـ
وتقول له يا جارح
أنا مسامح
يمكن بعد هذا تخف
والجارح ما عاد يقسى
أنا أتحداكـ
أنا أتحداكـ
يا جرح تسلى !!!!
وبعد ما تظلم الدنيا
أتحداكـ يا جرحي
تدور حولكـ وتلقى
قلب خالي من القسوة
ولا تلقى منه صدود
ولا يقول لكـ بدري
خلاص يا جرح ما تقدر
راح الوقت من بدري
وجرحكـ مثل الكسر
إذا تأخر ما عاد يجبر
وإذا بيوم يا جرحي
تشوف الجرح يتجدد
أنا أتحداكـ يا جرحي
تستغرب
وتستعجب !!!!
[grade="00008B FF6347 008000 4B0082"]وأنا أتحداكـ يا حزني
إذا تقوى على فرقاي
وإذا أصحى أنا في يوم
ولا ألقاكـ تصبحني
وقبل لا أنام يا حزني
أنا أتحداكـ تفارقني
قبل ما علي تتطمن
وقبل لا تنام تبكيني
وعن الفرحة تغطيني
تغطيني بها دمعة
وتطمن قلبي المجروح
إنه بأول المشوار
ولازم إنه يتحمل
لجل يوصل نهاياتكـ
ومع الأحباب يا حزني
أنا أتحداكـ تهجرني
وما تمر علي بلحظة
أكون فيها مرتاحة
مرور عابر وبسرعة
وتنشلني من أفراحي
وبالتهزيء تجرحني
وتقول هنا وش جابكـ ؟!!
مكان غير لايق بكـ
أنتي وحدة منتهية
أنتي وحدة منتهية[/grade]
وأنا أتحداكـ يا دمعي
يمر يوم وما تنساب
على خد شكى منكـ
شكى ظلمكـ
ويبي فرقاكـ
أحرقته بنيرانكـ
هذي دمعة مظلومة
وذيكـ بلا أسباب
وهذي محروقة بالغيرة
وذيكـ من قسوة أحباب
لو الدمع يا دمعي
له نهاية
كان الدمع بعيوني
بعد اليوم ما ينساب
ولو للدمع يا دمعي
يصير سباق
لأسابق فيه أمثالي
وأقول أنا من فاز
أنا من فاز
تعالوا شوفوا عيوني
ما تلقون ولا دمعة
دمعي أنا أنهيته
بجرح واحد أنا دمعي
مع الدمعات ما أمهلني
بجرح واحد أنا فزت
وأنا أول من جفت دموعه !!!!
وأنا أتحداكـ يا حظي
لو في يوم تجي بصفي
بالغلط وإلا بالصدفة
وتفرحني ولو مرة
وإذا قالوا حبيبكـ راح
أقول ناس محترة
هذا حظي ما يخذلني
مع أحبابي
ولا أقرابي
حظي دايما واقف
وما يرتاح أبد لجلي
أشوفكـ يا حظ تخذلني
وتعاند ها القلم بأيدي
تكفى يا حظ جاملني
ولو حتى على أوراقي
أبي أكتب حروف تشع
بالبسمة ولو مرة
ولو أكذب على روحي
وأقول طابت جروحي
بس أوقف بصفي
يا حظ لو مرة !!!!
وأنا أتحداكـ يا حرفي
تخوني بالورق مرة
وتمحي ما كتب كله
من الأحزان
وتحولها يا حرفي
لحروف فرحانة
لا ..
لا ..
أبد ما أتخيل
أشوف حروفي تتبدل
من الأسود
إلى الأبيض
وإذا بيوم يا حرفي
تخط حروف فرحانة
تحكي عن لقا فرحة
وعن دموع فرحانة
وتسولف مع الأوراق
عن الحب
عن الأشواق
وتغني لكـ الصفحات
طرب
وأحلام
وأمنيات
وتوقع بآخر سطوركـ
( سجينة الذكريات )
لا أبد ما أصدق
وأقول يا قلم تكذب
مثل هذا أنا ما أكتب
أنت خاين وغدار
كتبت هذا
لجل أنكـ للتحدي تكسب !!!!!
وتقبلوا فائق إحترامي وتقديري .[/align]
[align=center][/align]