طريقة علشان ترقم وتضبط احلى بنت ههه
هلا
و
غلا
و
مرحبا
و
بس
و
الشله كلها
وأنا و انت ...
ودقي يامزييييكا
سلام مربع للقدعان ... هههههه
المهم ..
أول خطوه عشان ترقم ..
تكون مواصفاتك بالشكل التالي :
1. ماتكون داق الزقاره في الدتسن .. ومطلع زندك برى الشباك ... ((مسوى فيها مهايطي))
2. ريحت خشتك لازم تكون زينه ... ((ياخي ترى المويه ببلاش إذا خايف على الفلوس روح عند الجيران))
3. السياره الكشخه موب شرط ... أهم شي الأخلاق ... ((كل مازادت كشخة السياره كل مازاد جمال البنت))
= تروح ترقم بدتسن .. مو مشكله .. يصير الديت حقك في البر تصيدون جرابيع ههههههههههه
4. لازم تكون ثقيل ... 100 كيلو يعني ... إذا ضحكتلك .. لاتضحك و على طول تقط الرقم ... أثقل سو إنك موب شايف ... ((أو بالمره طقها كفين أحسن)) لاتصدق أوكيه ...
ألحين ياشباب عرفنا المواصفات ..
ألحين أقولكم مواصفات البنات و وشلون تتعامل مع كل وحده ..
النوع الأول .. يطلق عليه إسم الياي
*هذي بنت ..
1. العطر تشمه على بعد 1000 ميل ... من النوع إللي تعرف إن فلانه موجوده من العطر حقها..
2. العبايه .. فستان فرح موب عبايه .. مخصره .. أحيان تلقى وجهها أحمر .. موب هي كذا لا ... لأنها منزنطه بالعبايه ..
3. المكياج .. كيلو ... من النوع إللي تحفر في المكياج عشان تشوف وجهها ...
*أماكن وجودها:
تتكاثر نوعية الياي في المجمعات التجاريه وتخيس هناك ...
*طريقة ترقيمها:
سهله جدا ... جيبلها طياره أيرباص تركب معك .. لأنها شايفه نفسها إللي يقول بنت الوليد ...
لو رحت لها بكرولا مثلا .. تقول يااااااااااي وحش
لو رحت لها بفياقرا ... تقول إفففففف الشباب زهقوني ياربييييي
النوع الثاني من البنات: مكسورة الخاطر..
ماني قايل عنها إلا شي واحد ....
تمتاز بسرعة الإستجابه .. ((تترقم على الريحه))
بس في الغالب تطلع ... مقلب ..!!! إشربها ياحلو
شلون تعرفها ؟؟
سهله .. تاخذ الرقم بدون أي مقدمات ,,, تريحك .. لكن بتصدمك
نصيحه: حتى ولو كانت حليو .. تلقى وراها مصيبه ..
النوع الثالث: المرجوجه
مواصفاتها:
1. مرفعه .. تتمايل في مشيتها كأنها عامود لمبه صاكه جمس على الطريق الدائري ..
2. كاشفه شعرها وهي لابسه عبايه ... كوبيه الأخت
3. مكياجها معقول
4. عطرها موب فواح مره على قدها
5. لو جاها تليفون من النوع إللي كل الناس تعرف وش السالفه
6. توزع إبتسامات على من هب و دب .. خذ ابتسامتين و الثالثه مجانيه ...
أماكن وجودها:
1. بعض الأحيان في المجمعات ..
2. في الكومباوندات ..
3. في الكلوبات ...
طريقة ترقيمها:
مالها طريقه لأنها في الغالب بتهبل فيك و تطلع ريحتك ولا تطلع منها بشي ..
تعشق إللي قصته سبايكي و من النوع إللي بنطونه نازل و صرواله باين ((الحمد لله والشكر))
إذا عجبتها بتخش في عينك ...
النوع الرابع: المصلحجيه ...
مواصفاتها:
((((((((((((((مصلحه و بس ))))))))))))))
أماكن وجودها:
في كل مكان تكثر فيه السيارات الكشخه...
وش تبي منك؟؟
1.طلعه
2. هدايا
3. ((إشحن جوالي))
4. سلف
الزبده شايفتك بنك متحرك قدامها ...
هذي إذا جتك .. شوتها ... بكل بساطه.. أو أستحمل و كد عليها ... حتى ولو الخير واجد .. لاتسمح لبنت تستغلك ..
(( البنات حاقدين علي اليوم ))
النوع الخامس: اللحجيه
هذي منتهي طوحها تركب دتسن ... وتطلع البر ... آآآويلي ويلاه
أنصحك تبعد عنها لأنها تجيب الغلقه ...
النوع الأخير: طبعا ختامها مسك ....
البنت المحترمه
...
مواصفاتها:
1. تمشي في حالها ..
2. متستره زين
3. ماتحط عطر في الأسواق
4. راكزه مو مرجوجه ...
مايحتاج أكمل .. لأنها معروفه و كل يوم نشوف منها واجد في منتدانا
أماكن تواجدها:
في كل مكان ... في المجمعات في الغالب يكون معها بودي قارد ... لكن في الأغلب في بيتها
طريقة ترقيمها :
يااااخي قلنالك محترمه ... شلون تترقم؟؟
ولو حاولت ترقمها أجي أشوتك..
وأخيرا ...
أتمنى من الشباب تعلمو درس في الحياة (( لاترقم ))
خليها هي ترقمك خخخخخخخخخخخخخخخخ
تبون شي ؟؟
يالله سلام قبل لاتجي بنت تعطيني بالمخمس على جبهتي ..
لحظه لحظه .. من تقدر .. ولا وحده ...
لأنهم كلهم محترمات ولا وحده تجرؤ تسوي تسذا
أقوووووووول ... شباب .. إللي يجيه كعب ولا شي .. أنا ماليدخل هاااا؟
من دق باب القوم دقوا بابه
ملطـــــــــوش من اخونا شارب البيره ومضيع الديره
:ندو:
دائمة العز
وجـــــونه