اخواني واخواتي
السلام عليكم ورحمة الله وبركاته
اقدم لكم هذه المتواضعه والتي اتت من دون نفس لحيث اني
لست في وقت يناسب بدع الشعر ولكن غصبتها والعذر والسموحه
والله يرحم فقيد الامتين العربيه والاسلاميه
[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="double,4,gray" type=0 line=1 align=center use=ex num="0,black"]
بسم الحرس كلـه كتايـب وقـادات=من قايده نبدا ليـا احـدث جنـوده
وكل وحِده مـن جميـع القطاعـات=وشعب مخلص نعرفه مـن جـدوده
والامتيـن مـع اختـلاف اللغـوات=والقارتيـن وثالثتـهـا إمـعـدوده
ننعي فقيـدٍ ذيـع عبـر المحطـات=تناقلـت موتـه وقامـت تـعـوده
فهد فهـد حـلال كـان الصعيبـات=لاعمست الاريـاء تقـادح زنـوده
كم سجل التاريخ له مـن مهمـات=داخل وخارج واضحـه وإمعهـوده
في داخل بـلاده تطـور ونهضـات=والمسجديـن وتوسعتهـا شهـوده
ومجمـعٍ يُعنـى بتفسيـر الآيـات=وطباعة المصحف ونشـره لفـوده
ومستشفيات وجامعـات ومطـارات=وعدة موانـي كـل يـوم امعمـوده
وطرق سريعه مدعمه بالسياجـات=تربط وطنـا بالمـدن مـع حـدوده
ومجلس الشورى قراره بالاصـوات=اسسه ابو فيصـل واسـس بنـوده
وانشى نظام الحكم واتقن بفقـرات=موضحـاتٍ كـل فـقـره قـيـوده
واهتم بالنهضه وخص الصناعـات=صقـل صناعتنـا وكثـف جهـوده
وعلى الصعيد الخارجي والسياسات=جهـود جبـاره كثـار امحـمـوده
يوم انحرف صدام واخطا المسـارات=وغزا الكويت وقـام ينهـب نقـوده
نخـاه جابر؟قـال ماعنـك صـدات=اوعدك واشهد بانه اوفـى وعـوده
رد الكويت وسكت الطاغي اسكـات=فهد فهد باذن الله ما شـي يكـوده
والقدس رده منوتـه واكبـر امنـاة=نـوى يـرده مـن عـداه ويهـوده
له وقفـةٍ لاقيـل للنـاس وقفـات=كلٍ لها يحسـب ويحسـب وجـوده
ضلعٍ عسيرٍ من جبـال السـراوات=ماحركه بـرق السحـاب ورعـوده
ولا البحـور الهايجـه والمحيطـات=اللي تصافق موجهـا ريـح نـوده
الشرق الاوسط لاحصل به خلافـات=يحلهـا ليـن المحـبـه تـسـوده
حلحيل حـلال الامـور العسيـرات=مابيحـت كثـر المشاكـل سـدوده
عزانا فيه انـه مقيـم الصـلاوات=ويحب من يخشع بلحظـة سجـوده
للخيـر مفتـاحٍ وللشـر ضـبـات=والله من مـا انفـق وقـدم يعـوده
مرحوم والله يجعل القبـر روضـات=تواسـع جنوبـه وتبعـد لـحـوده
وتفـوز بالجنـه وتلقـى الملـذات=خالـد مخلـد فـي نعيـم وبـروده
وتستبشر بمن هم لك اخوان واخوات=مع النبي والصحـب تـارد عـدوده
ونعزي الاسـره جميعـاً وبالـذات=خليفتـك واخوانـه اللـي عضـوده
وعيالك اللـي ينطحـون المغيـرات=الكل منهم دمعـه احـرق خـدوده
معاوضين بخيـر فـي والـدٍ مـات=اسد وعقّـب لـه فهـود واسـوده
وانته يابو متعب لها كـل الاوقـات=شعبك معـك وانتـه بدالـه تقـوده
يبايعك شعبك وينصت لـك انصـات=ويعاهـدك والكـل يوفـي عهـوده
بيعت صفى لاهل الوفا صافيه جـات=ماطبهـا سيـه ونـيـه حـقـوده
وولي عهدك لـه سـلام وتحيـات=الله علـى طاعتـك عمـره يـزوده
عضيدكم لو جاء لبقعا اصطفاقـات=شويركم فالضيق نعـرف صمـوده
وصلاة ربي عـد وبـل المخيـلات=علـى رسـولٍ كلنـا مــن ودوده
.
الشاعر الرقيب/ حسين الحارثي
الحرس الملكي بالغربيه[/poem]