[frame="7 80"][poem=font="Simplified Arabic,6,red,bold,normal" bkcolor="transparent" bkimage="backgrounds/24.gif" border="groove,7,skyblue" type=0 line=0 align=center use=ex num="0,black"]
تصبّري يامملكه هذا قدر والله يعين=موت الفهد اكبر فقيدة عقبه الدنيا ظلام
علمً ياشينه من خبر غدابنا ضحى الاثنين=تبكيك الامه ياملك ياخادم البيت الحرام
هذا الفهد نعم الفهد منصى جناب الطيبين=يشهد له التاريخ في مجدً عجز فيه الكلام
قايد محنك فيصلي حرً على القمه يبين=عشرين عامً مع ثلاث أسس مباديه العظام
ياعزوة اللي لاعتزا سنّد على الضلع المتين=قرمً شجاعً سيف حقً لاضرب حل الخصام
حلال فكاك النشب من يطلق سراح السجين=نال الكرم والمرجله والتاج مع ذاك الوسام
فهد فهد نعم فهد درعً يرد المعتدين=عزالعرب في ذمتي عينه سهيرة ماتنام
أسطورةً نال الفخر يبقى على طول السنين=يبقى وتبقى سيرته لو مر له الفين عام
صان الشريعه والقيم وأكمل حقوق المسلمين=حامي حما ارض الحرم تشهد له اسراب الحمام
ينعيه غواص البحر والبحروالسور الحصين=والأرض واللي فوقها كلآ دعى ينعي الأمام
يرحمك ربي يافهد يالشهم يالرجل الأمين= يامن لك العالم (نعى) يدعون لك فجر وقيام
وياجعل مأوك الجنان وسلسبيل الجنتين=وجعلك مع العشرة بشيرً تفرح بدار السلام
ويالله يالمعبود يارحمن رب العالمين=انت الرحيم المعتلي خلاق رميم العظام
تجعل فهد في جنةً فيها الصحابه خالدين=هذا وصلوا واطلبوا ربً خلق سيد الأنام[/poem][/frame]
رحم الله فقيد الأمه الأسلاميه وأسكنه فسيح جناته .
انا لله وانا اليه راجعون.
أحسن الله عزاكم في الملك فهد بن عبدالعزيز. ونسأل الله العلي العظيم ان يلهم الأسرة الحاكمه والشعب الصبر والسلوان.
نقل عن :
الشاعر// سلطان ابو ثنين