هذه المشاركه الأولى وآمل أن تنال إعجابكم
[frame="7 80"]
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بدايه بأسم رب البيت أببدا والبدايه جات= بأسم منهو عظيم وعالمٍ بالوضع والحاله
رفيع الشأن غفار الخطايا عالم النيات= كبير الجاه في لوحٍ حفيظ وحافظ أقواله
أناماقمت أطوع فالقوافي وأبدع الأبيات= لأجل قولة حلو منطوق هذا الرجل وأمثاله
أنا مما بجاشي قمت أعبر والعباره ذات= أرب الله يخفف له أمورٍ جات محتاله
ثلاث أشهور همي هم عيني تدفق العبرات= وطال الصبر يالله صبر ومن غيرالله ألجا له
ثلاث أشهور فاقد صوت عودٍ كاسب الطالات= تعاون كبر سنه والمرض ثم هدله حاله
ثلاث أشهور وأفكاري كذا وأعطيبها سجات= على ذكرى سنينٍ فايته مع راعي الطاله
على ذكرى اليمين الطايله في حزة اللقيات= تذكرته ودمع العين فوق الخد هماله
عطاه الله هيبه في زمانه موحش النظرات= تحسب أحسابه أقروم الرجال ولاتعداله
يعدي عن بني عمه لياجت حزة الصملات= صميدع في صميدع من صميدع جده وخاله
ولايخطي ولايرضى الخطى خصيم بالقالات= وكم حجه مع الخصم أفتلجها لاتحاكاله
حجيج أقوال طلق لسان ماتعثر به الكلمات= حكيم ويعرف معه الوقت مخراجه ومدخاله
أنا ماأقول قول الأ على قولي أجيب أثبات = تعال أروي لك أقواله تعال أرويلك أفعاله
من أقواله يقول أن الرجال تغيّر الهقوات= وكم رجلٍ تهقوى الطيب وعيال النساء فاله
من أقواله يقول الياحصل لك مع رجل طلبات= فطين القلب كله حرص في حله وترحاله
من أقواله يقول أن كان تهقى بداخلك نعرات= ترى كلن تهقوى مثل ماتهقى على حاله
وأنا يشهد علي الله قال مره من المرات= لاجيت أصافح الرجال أدوّر للسهم جاله
من أقواله يقول لياضربت الأوله بالذات = تراها تخلف الرجال من وضعه ومن حاله
من أقواله يقول إن أبن عمك لوحصل زلات= تغاضا كنها ماجات لوتطري على باله
ومن أفعاله تعال أحسب وعدد تكثر الحسبات= مهيب أفعال تقطع وجه لامن ردت القاله
بعدماهجت إنياقه تحلف وأوفاء الحلفات= على شيخٍ ولد شيخٍ أخوحمده تعزواله
تواجه به وخطط له ولاأدري أيها الحزات= تشاهل به وشهل به وشاله ثمن أوماله
وتعال أرجع لخلبٍ طولها شبر وكذا قفلات= عن أخوه أبن عمه يوم بان به الخلل جاله
ردع أبها العدو لين راحت أصباعه مع الطعنات= وطاح وكر الأنجر ثم قرط بأصبع نعاله
وفك الخيل من عروى على وقتٍ من الجهمات = قبل فلاج نور الصبح وفي كبد السماء هلاله
ولافيها يكود المقلد اللي منثني ثنوات = صدق من قال للخيل ياأهل العرف خياله
ونهار القرم أبن عمه نخاه بكامل النخوات=تباشر له بنصرٍ قبل نور الصبح يبداله
هجد والخصم في حضن الهنوف وقال أبالنومات= ومن قو الشتاء متلحفن بشته وكمباله
نده بسمه وقال أصحى ويوم أصتكت الركبات= فهقله ضربتةٍ ردت حلال القوم فجلاله
وثناها جعل مايثنيه لاش يتبع الخفرات= لياردت علوم وجات ليا علوم النساء ماله
ويم أرسل له المنصوب خدامه على الهافات= وقال هاتولي الشيخ الكريم وشدوا حباله
الا ياكبر هالموقف وفيه أنقلبت الأيآت = خفر من جولخفرانه عسى تسلم لي أسباله
وخفر هافٍ على بابه كليشيات ماريات= وسلمه العقيلي بعهدته والخادم أشتاله
ابوي يامزبن القاصر أبوي ياراعي الوقفات= أبوي يابو الحمياء كلها لاجات مياله
أبوي ياطايل العليا أبوي معدل الميلات= تراعد له سواعد كل قرم لياتهياله
أبوي ياصادق النخوه أبوي ياموفي الكيلات= أبوي ياسيد الصمله أبوي ياراعي الطاله
ابوي يازينة المجلس أبوي يازينة البسمات = الأ يازين هالمركا لياراكا على جاله
ولايارزينة أشماغه ليالفّه كما الكورات= تراكا به على المركا مهوب منكس عقاله
ولاسبه ولايسبه يكود الخبل أبالعثرات= عجز عن قوله وفعله وصار الحقد يرعاله
ضعيفٍ يلحقه ساس الضعافه راعي الدبعات= يجيك أمهندم شكله ويبين بهرجه أهباله
عسى من لامني في شايبي تكثر له النكبات = يجيه الهم في حاله يجيه الهم فعياله
وحلوات المعاني لوتجي في شايبي عذبات= ولاشابت قواف الشعر فيه ولافي أمثاله
وأنا ما قمت أطوع فالقوافي وأبدع الأبيات= لأجل قولة حلو منطوق هذا الرجل وأمثاله
أنا من ما بجاشي قمت أعبر والعباره ذات = أرب الله يخفف له أمورٍ جات محتاله[/poem][/frame]
وسلامتكم
أخوكم
ماجد العصيمي