الله يرحم ابو فيصل
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
بسـم الله الرحـمـن الرحـيـم
السلام عليكم ورحمة الله وبركاته
كن منهو تل قلبـي مـن محلـه=وكن في جوفي مثل شب المراره
يوم جاني علم من ظلـه وظلـه=غـاشٍ بيتـه وسكانـه وجـاره
قالو ان الفهـد مـات وقلـت لله=لا اعتراض لحكم ربي او قراره
يالله تغفر لا حصل غلطه وزلـه=من لساني وقت صارت بي اثاره
مادريت الا ونـا دمعـي اهلـه=دمعتي سالة من اسباب الحراره
كن صدري صاليٍ من فوق ملـه=لا وربي كنـه محـروقٍ بنـاره
مات من له في زوايا المجد طله=الزعيم اللي خذا المجد بجـداره
كاسب الطولات ماشخصٍ وصله=في كلامه في فعوله في وقـاره
كـل علـمٍ كايـدٍ عنـده يحلـه=وكل شخص ينحرف رده مساره
الكرم والجود دايم مرقـبٍ لـه=فوق كتفه للكرم مليـون شـاره
وسيفه اللي في وجيه اعداه سله=دون شعبه ساقها غـاره بغـاره
هو لحاله بـس دولـه مستقلـه=دولة الاسـلام والعـز ومنـاره
مالـكٍ المجـد كلـه ايـه كلـه=كم عدوٍ طاح من صفعة يسـاره
كل منكوبٍ لفـى يمـه وشلـه=ومده بخيـره وسكنـه بعمـاره
وكل منهو يشتكي من جور عله=مد لـه يمنـاه واثنـاه بزيـاره
ومد خيـره مـده ومـده وعلـه=يوم غيره ماخذ المـده شطـاره
كل شورٍ صايـبٍ عقلـه يدلـه=لن ربي غاشٍ روحـه طهـاره
كـم نوانـا جاحـدٍ رده وذلـه=السياسي راسه اللي بـه شنـاره
فهدنا مامات ذكـره عايـشٍ لـه=بيتخلـد فـي مياديـن وأمـاره
لو كتبت العلم من دقـه وجلـه=ماوفيت اللـي توفـى ياخسـاره
جعل جنة من خلقنا مسكـنٍ لـه=وجعل ربي يرحمه وينير غـاره
دام ابو متعب شقيقه عزوتٍ لـه=البلـد بامـان والدنيـا مـنـاره
حن معه مابين ترحالـه وحلـه=حن لبو متعب على رهن الأشاره
اشهد اشهد يازمن عنـدي ادلـه=وابن عسكر والله مايثني قـراره
اشهد ان الفهـد دولـه مستقلـه=دولة الأسلام وبـلاد الحضـاره
وســـلامـــتـــكـــم
الـــــــــــــراوي[/poem]
رد مع اقتباس
المشاركة الأصلية كتبت بواسطة محمد السليس
