المشاركة الأصلية كتبت بواسطة عبدالرحمن الجبابرة
[poem=font="Arial,6,green,normal,normal" bkcolor="transparent" bkimage="" border="inset,10,limegreen" type=2 line=0 align=center use=ex num="0,black"]
علم ٍ لفاني يوم الاثنين مشهور=
قالو تحضّرللسفرقلت وش صار
قالو تبيحك أمّك وصرت مكدور=
لاني احسّ عقبها بتظلم الدار
دنياي صارت كنـّها تلفّ وتدور=
حسيّت كنّ البيت من فوقي انهار
يادار وين اللي معي عدّة دهور =
تدعي لي بصلاتها وقت الاسحار
يا دار وين اللي لمن جيت مقهور =
تضمّني في صدرها الوافي البار
قالو تصبّر وانت ذا اليوم ماجور=
حكم القدريمضي على صغار وكبار
هلـّت دموعي واحفر القبر مجبور=
دموع رحمه مؤمن بحكم الاقدار
آمنت باللي منزل ٍ قاف والطور=
سبحانه المعبود عالم بالاسرار
الله يبيحك يمّه ومنزلك نور =
يمّه عسى ملفاك في دار الابرار
يرحمك ربٍّي جابر ٍ زلّ وعثور =
يالله عسى مسكنك جنـّات وانهار
يكسيك ربي زينة الخلد والحور =
الله كريم ويكرم النـّاس الاخيار
يالله عسى قبرك يمدّد له النور=
يفسح لك اللّحد على مدّ الابصار
والله يعظّم اجري ويجبراكسور=
في خاطر اليتيم لصار محتار[/poem]