[align=center]الله أكبر
يازمن .... وش رجعـك
يوم إبتدأ فيك الخريف
وذيك الغصون اللي حملت خضر الورق
صارت هشيــــــم
وأصبحت مابك من مقيــل
للطرقي اللي أجهده طول المسيـر
جيت بخطى متثاقله
تسأل عن أحـــــوالـــي
عن الغربة .. عن أحـــــزاني ...عن اللي مر بـــــي
الله أكبر
يازمن ... وش رجعك
وين الغرور وين الشـــموخ
وش ضيعــــه وش ضيعه
الله أكبر
يازمن .. وش رجعك
بعد إفترقنا ..وأصبحت كل الدروب
الموصله يمي ويمك مغلقه
جــيت بأســـــف
تحمل بقايا الذكريات اللي إنطوت
تسأل عن أمواج البحر
عن ليله عشناها سوى
ليله بها هاك المطر ..
بلل ملابسنا وحنا نبتسم
والورد معنا يبتســـــــم ....
حتى القمرمنا خجل ..
قام يتوارى بالسحب
الله أكبر
يازمن وش رجعك
ما علموك إنا بشر غير البشر...
الجرح منا لا نزف ..وأعيا الطبيب معالجه
ولا نفع فيه الكوي .. إنا نسمي ونقطعـــــه
إي والله إنا نقطعه.. لا خير في جرح يورثنا نكد
ويحكم علينا بالسهر ..حنا بشر غير البشر
الله أكبر
يازمن ... وش رجعك
وش رجعك وش رجعـــــك
________________[/align]