[align=center]الاخوه الاعزاء اهدي لكم هذه القصيده وامل ان تنال اعجابكم [/align]
[frame="7 80"][poem=font="Simplified Arabic,5,black,normal,normal" bkcolor="transparent" bkimage="backgrounds/29.gif" border="double,4,sienna" type=1 line=0 align=center use=ex num="0,black"]
يالله يامجري ذعاذيع الانسام =تفرج لنفس(ن) قام يكثر زملها
قامت تزايمني وتنفذ بالاكمام = وزريت اجاهدها وجاهد مللها
وقامت تراودني مثل طيف الاحلام = واشفق لضحكتها وحصل زعلها
وتعبت واتعبني شقى مر الايام = والكل منا غايته ماوصلها
وقعدت انا وامرارها مثل الاخصام = وايامنا الحلوه حرمنا عسلها
وقامت تراودني على عض الابهام = حتى وصلت لمرحله ماحتملها
واخذت من صكاتها تاج ووسام = واصعب طريقة وقت قمة جبلها
وحولت ممشايه على روس الاقدام = من خوف زلات القدم في وحلها
وحولت في غابه محاطه بالالغام = ولا شفت قبلي منزل احداً نزلها
واخذت فيها وقت محسوب عن عام = والنوم عيني ياملاء ماكحلها
والنور غاب وطم الاقذال الاظلام = ولافيه حاجه واضحه ماشملها
وطلعت منها غادين فكري اقسام = بعد تفوق ثورها عن جملها
والحر كب الحوم وغرابها حام = والصيده اللي وسط كفه نطلها
كب الهظاب وعن هواء جوها شام = والقمه اللي وسط حلقه تفلها
قصه من الايام تكتبها الاقلام = يوم المعاسل دونها جاء نحلها
قصه حقيقه غير عن حكي الافلام = قصه حقيقه من رواها بطلها
عزي لمن مثله وفي بحرها عام= ولافيه حاجه تنقذه مابذلها
والغرب لاهل الغرب والشام للشام= وانا هوايه نجد داري وهلها
ماهيب دار الغرب عباد الاصنام = دار الشريعه مارضينا بدلها
داراً ربيناها عزيزين وكرام = يوم الفياض يعج ريحة نفلها
يوم (ن) مسكنا شعر بيت وخيام = والنبت يكسي ضلعها مع سهلها
في ظل قياد (ن) وفي ظل حكام = تفخربنا الرايه ويضفي سبلها
شهرين هاك الوقت عن عشرة اعوام = قدم البشر يغلب عليها جهلها
قدام تلبس للجهل ثوب وزمام = وقدم العقول يعم اهلها شللها
اجسام في الملبوس ياحي الاجسام = اجسام في عقولاً لحقها خللها
العام ومن العام واللي وراء العام = فتنه ونار ومنهو اللي شعلها
ناس (ن) تبرى من فعايلها الاسلام = وزين لها الشيطان صافي عملها [/poem][/frame]
[/align]
رد مع اقتباس
المشاركة الأصلية كتبت بواسطة حمدان الشمري
