سعدت بأنضمامى الى هذا الصرح الشامخ
واحب اهديلكم هالقصيده المتواضعه
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
قالو الناس جده غير قلت ايه غير = بس الى ديرةٍ ياناس ماغيرها
جوها جو رومنسي مساها مثير = تستميل القلوب عصير بعصيرها
ليلها يستبيح السر مايستشير = وصبحها تكشف اسراره عصافيرها
والكرم سلم راعيها لو انه فقير = والشجاعه ليا ضاعت معابيرها
وفتح باب الجوار لمن بغا يستجير = من ظروف الليال ومن مقاديرها
يامشكك بمضمون الكلام استخير = كلمتى يحمل التاريخ تفسيرها
وديرتى نجد نجد مدلهين الفقير = يوم شر السنين مطاولٍ خيرها
كم حدو دونها الطامع بحد الشطير = لين زانت وغرد بالسعد طيرها
ريح نسمة هواها ريح ورد وعبير = ليا هما جوها وازهت نواويرها
استلذ التمشي صبح والا عصير = مع طرف هجمةٍ تدفع مقاهيرها
والجمل وسطها ياخذ وقب الهدير = وراعى البل ورى الطيًاح ويديرها
في يده بندقه ويشيل بالكف طير = ناحرٍ ربعةٍ كثرو مساييرها
مع فياضٍ بخضرتها وماها تثير = رغبتى للحياه وزين تصويرها
وخضرة العشب وبيوت الشعر والغدير = وشوفة اللى مزعلةٍ حجاجيرها
تشرح الصدر وتعالج جروح الضمير = وتبري النفس من كثرة حواشيرها[/poem]
رد مع اقتباس
