[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
سال الحبر فوق الورق واسترسلت زين البيـوت بـلا جـدال
وغصبــــاً تطيـع بيـوت شـعـري لا نـويـت اجزالـهـا
صاح القلم مدري شهق من سطوتي صابه من الدهشه هبـال
كنـه يقـول ان البيـوت الـلـي ســرت مــن قالـهـا
قلت استمع يا هالقلم بروي طموحك فالشعـر حتـى الثمـال
وانـا تـرانـي يــا قـلـم جــزل البـيـوت اقوالـهـا
خذ شعري اللي متفق واشتقت له بيـن القطيعـه والوصـال
خــذ كلـمـةً لا قلتـهـا غصـبـاً عـلـي اشتـالـهـا
انـا بحـر مالـه مـدى فـي صفوتـي كمـال ولله الكمـال
عودتهـا نفسـي وانــا صـعـب الصـعـاب احتالـهـا
انا وعزمـي والصبـر عشنـا بتذليـل الصعيبـه والثقـال
وان حاولـت تلـعـب مـعـي والله مـاهـوب اشوالـهـا
لاكن سألتك يا قلم من هـو جمـع بيـن الجلافـه والـدلال
مـن هـو عـرف درب الرحيـل اللـي سـبـق منزالـهـا
عطني خبر لا تتركه فالصـدر يحرقنـي سكوتـك والسـؤال
لا تترك جمـال الزمـان المرزمـه ترمـي علـي احمالهـا
تجمعت عندي حـروفً ثايـره تبغـى مـع المعنـى مجـال
سألتـهـا عــن قصـتـي وادلــت بـكـل اقـوالـهـا
قالـت انـا وحزنـك والولـه فــي كـرفـال الانفـصـال
كـنـا نـعـزي بعضـنـا والبـنـت عــزت حـالـهـا
قلت المدينه خاويه والليـل يشـرب مـن حيـاض الانفعـال
البسـمـه الـلـي قهـقـرت قــام الـدهـر واغتالـهـا
عشقتهـا منـذ الصغـر وهديتهـا قلـبً سطـي ولا يبـال
و هــي عطتـنـي نبضـهـا لـيـن املـكـت هذالـهـا
راضيتها يوم ازعلت واقفـت تميـدح بالغـلا بنـت الحـلال
واشتالـت جروحـي وانــا وقـفـت الاعــب شالـهـا
وكتبتها بيـن الحنايـا تايهـه مـن وقـت ابوزيـد الهـلال
والا غريـبـه فــي زمــانً رحــت لــه واومالـهـا
بس اتركي عشق النوى لامن بدالـه فالليالـي طـرف مـال
يضـحـك مــع النسـمـه قـهـر والا يغـنـي لالـهـا
واستامنت همس الدفى واثر السفينه ساقها نو البحر يم الجبال
وقبطانـهـا قـلـبً قـسـى عـيـا يـحــط اثقـالـهـا
وعشت الغريب اللي بقى يكتب تعابيره علـى وجـه الرمـال
والا يسـولـف للبـحـر والـريــح فـــي مـوالـهـا
ماعـاد تفـرق موتتـه بيـن انفعـالات السطـر والانعـزال
وبيـن الطيـوف اللـي تجـي وبيـن الهجـوس ان جالهـا
والوقت يمشي والخلايـق دالهـه وانـا عشقـت الارتحـال
دارً بــدر ديــره نـحـل والـنـاس فـيـه بـدالـهـا
هذي وهي قصة عشق ما قلتها تعبيـر مـن نسـج الخيـال
عـشـت المـحـاور والبـطـل والترجـمـه واعمالـهـا [/poem]