[poem=font="Simplified Arabic,5,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
اشهد إنه صح بعض الصواديف=تسوى الذهب مع ناسه اللي شقوا به
ساعة دخلت السوق في موسم الصيف=وشفت التي من شافها شق ثوبه
قامت تمشى ماتراع الملاقيف=مثل الوزير ليا مشا دوب دوبه
من خدها كلن يجر التحاسيف=ولبة نحرها للخلايق عقوبه
وليا نطحها الريح للظامر نحيف=وليا عقبها شفت انا الsمقلوبه
قابلتها محتار وشلون مع كيف=وشلون ابتبع غي نفسٍ كذوبه
ثم سألتني هيه ياهيه ياحيف=مثلك تردد حالته ومغلوبه
قلت البلا يابنت الاجواد تكليف=ونفسٍ تعذب كان ماجت بتوبه
ولاجمالك مثله اليوم ماشيف=لو الرهن شيما سعيد خسروا به
ولو وردوا للزين من دولة جنيف=خابوا وخاب اللي بزينه غزوا به
ولولا الوجيه مكملات السواليف=اللي تجيب العلم نوبه ونوبه
لاستخدم اسلوبٍ تركته بالارشيف=لين الفكر عندك يصيبه رطوبه
واخذ من اللي طاب مالذ للكيف= واقرا من الفنجال واعلن شروبه[/poem]
وسلاااامتكم