احبتي
اسعد الله اوقاتكم بكل خير
ولكم
ولمريم
وللشمال
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
مريم شمال الخارطه تسكن هناك
باقصى الشمال وصعب مثلي يطوله
مريم حقيقة حلم وشلون ابا القاك
وانتي عيونك من نظرها بطوله
مريم تعبت امسحك واكتبك واقراك
مريم تعب هذا الكهل من طفوله
مريم عشقتك حلم وشلون ابنساك
وانتي بنيتي داخل الروح دوله
شفتك سفر والتذكره ليل فرقاك
عشتك منافي وعشقتنا فصوله
عطشى العروق ولا لقت مورد لماك
حتى سحابك مارجينا هطوله
مريم حياتي جاوبيني انا افداك
ليه السكوت اللي غزتني خيوله
قولي احبك قولي اكرهك ماهواك
بس انطقي راضي بشي(ن) تقوله
مريم وهذي صورتك كنها اياك
قدام عيني وسط روحي نزوله
سكنتها واستوطنت بي محياك
حتى نشف دم الجسد من نحوله
ادري بأنك لي امل مات مارجاك
قبل اعرفك مات الامل يالخجوله
مريم وصوره والف معنى لمسراك
انتي رساله والمشقى رسوله
مريم شمال القلب هي ساكنه هناك
كل مانبض قلبي تمنيت زوله [/poem]
رد مع اقتباس
