[align=center]كني اشوفكم يالشباب يـ(الجحلط) اول مايدخل الواحد فيكم المنتدى :
يدخل عيونه تطلع من مكانها مثل افلام كرتون على الرسائل الخاصه؟!
ومتوقع في أي لحظه ودقيقه ان وحده بتدخل عليه وترسل له رسالة اعجاب! وهذي قصة خوينا محسن واعتبروا منها.
جته رساله على الرسائل الوارده في المنتدى:
الغالي محسن
ماني عارفه كيف ابدى
بس اللي حابه اقوله لك
ان ماني من البنات اللعّابات(وتقعد تسفّه في البنات اللي في المنتدى كلهم كن مافيه وحده مؤدبه الا هي)
بس حقيقه انا متابعه كثير لكتاباتك
ويعجبني اسلوبك
واخلاقك(كنها صادمته بسيارتها عشان تشوف الأخلاق زين)
ودي يكون بينا تواصل(طبعا ماهيب قايله على الماسنجر عشان ماتصير خفيفه) بس طبعا على الرسائل حقة المنتدى.
عاد هو يفتح الرساله ويسكرها
ويروح يدوج ويدور في أقسام المنتدى ويرجع من جديد للرساله نفسها؟!
ويفتحها؟!
ويبتسم
بعدين ينادي اخوه (عزّيز) تعال شف هـ البنت وش كاتبه لي؟!
عاد اخوه اصغر منه بس اعقل واثقل منه؟ بس غبي شوي
قال له وش دراك انها بنت اصلا؟
تقفل مع محسن ويرد عليه: الشرهه موب عليك الشرهه على اللي اعتبرك رجال (عشان ماجاز له كلام اخوه خربها)
عاد اخينا محسن وضعه اختلف (حس انه مراقب من المعجبات) وهو طبعا اسلوبه سخيف بقوووه ومعروف اما ناقل له موضوع من منتدى وجريده ولا كلامٍ ماصل ولا له مازيه(قلبها سوري الأخ)؟!
وبينه وبين نفسه وش تسوي يامحيسن وش تسوي يامحيسن؟
مافيه الا اشري لي من هـ الكتب(القديمه بالذات) واقعد انقش منها مواضيع. ولو انه كاتب مصري بغير بعض الكلمات (وكلن يصلح سيارته)؟!
وبعدين من زينهم اللي يكتبون بالمنتدى؟! يـ(مترديه يـا نطيحه).
المهم بدى يكتب مواضيع الأخ وبان عند الأعضاء كلهم ان هذا موب اسلوب محيسن؟!
واغبى واحد عرف انه موب محيسن لأن خويهم راعي اخطاء املائيه فادحه ومحيسن الجديد ماشاء الله علي تقول انه (دكتور في الأملاء).
وكل ماكتب موضوع ارسل (للمعجبه) على بريدها يقول تكفين ابيك تردين اول وحده.
وبدى يشّخص ماصار يقول شفتي موضوعي!تطور صاير يقول شفتي (مقالي) على باله كاتب في جريدة الشرق الأوسط ولا الرياض؟!
المهم الأخ ماكمل اسبوعين الا يرسل رساله للمعجبه؟
مدري وش اقول؟
وكيف ابدى؟
بس بصراحه
حبيتك؟
المهم ويجيه الرد الصاعق؟
يامحيسن
ترى بعلم اختك (هيله) انك تغازل؟!
وتطلع هـ المعجبه ولد عمه ولكن انه داخل بإسم ثاني (بناتي)
وتعيش وتاكل غيرها يامحيسن انت واللي يسوي حركاتك.
*******
هذي القصه(السولافه) من بنات افكاري(مزايين هـ البنات للي يبي يخطب)
وليست مشفره؟! ولكني اعتقد ان (أبطالها) موجودين معنا . :11ughboun [/align]