[ALIGN=CENTER][poet font="Arial,18,burlywood,bold,normal" bkcolor="black" bkimage="" border="double,4,burlywood" type=2 line=200% align=center use=ex length=0 char="" num="0,black" filter=""]
مــوج الاســفــار ؟
.
لا تحتجب ماللقمر سور وحجاب = أطلق شعاعك يلحقه ركب الانوار
خلك لعيني حرف ولقلبي كتاب = أخط بأوراقه لك أحساسي أشعار
وخلك معي لأيامي الحلوة أطياب = خلك لزادي ملح ولكيفي أبهار
خذني لجرحك نزف ولبعدك أسباب = خذني لشمسك فيء ولظلك أزهار
خذني حقيقه مابها زيف وأكذاب = خذني فضا ياسع محيطات وأبحار
خذني قصيدة تنسج حدود الاعجاب = تكتبك شوق وترسمك بأجمل أفكار
خذني مثل ماتشتهي دمع وأهداب = مادامني جيتك على موج الاسفار
لا تعتبرني صرت من عرض الاغراب = اللة معك ( يمهل ولا يهمل الثأر )
مابه مسافة فرّقت بين الاحباب = الا وتواصل بينهم همس الانظار
ياصاحبي كان القمر بيننا غاب ؟ = الشمس تكفينا بدل نورة أنوار
ولا تحتجب ماللقمر سور وحجاب = أطلق شعاعك يلحقه ركب الانوار
[/poet][/ALIGN]