السلام عليكم ورحمة الله وبركاته
لـ ـنـ ـقـ ـاء قـ ـلـ ـوبـ ـكـ ـم
ألـ 1000 ـف هاجس ونيّه
[poem=font="Simplified Arabic,4,blue,normal,normal" bkcolor="transparent" bkimage="backgrounds/40.gif" border="double,5,royalblue" type=2 line=0 align=center use=ex num="0,black"]
ارجـعـي تكفـيـن يابـنـت هـيّـه=ماعاد انـا قـادر علـى البعـد تكفيـن
اربـع شهـور و زادنـي الغـيّ غيّـه=كنه حـداد المـوت فـي دمعـة العيـن
لا ليـل يمْسينـي ولا الصبـح ضـيّـه=يروي عروق اللي سروا عنـك طاويـن
ما غير اقلّب ألـ1000ـف هاجس ونيّه=يمكن / عساها / علّها / كيفهـا / ويـن
ويـن الليالـي الماضـيـات الوفـيّـه=يومـي اهلّـي بضحكتـك قبـل تبديـن
يـوم الغـلا ( يالطيّبـه ) شـرْب مَيّـه=واذكر ( اعوووووذ ) وبالغلااا حيل غالين
كنّـا نخـوض العشـق روحـه وجيّـه=كـنّـا مـثـالٍ يُحـتـذى للمحبـيـن
من ( حبّـة القمحـه ) نسّـوي قضيّـه=نزعل ونتزاعـل واراضيـك ترضيـن
يااامااا حْسدونـي فيـك عقـرب وحيّـه=وآقـول والله مانخلـق منّـهـا اثنـيـن
( لو أنّ لـي قلبيـن ) لـو قلـت مِيّـه=والله ماعشق غيرهـا لـو تكـون ميـن
أخـت القمـر والشمـس هيّـه وهـيّـه=مـن كفّهـا تنـبـت ورود ورياحـيـن
ماكنت عاقـل و اطلـب الشمـس فيّـه=وما كنت اوفّر مـزن عينـي ..وتبقيـن
فـي غيبتـك كـل الليـالـي رديّــه=فـي غيبتـك كـل السوالـف عناويـن
فـي غيبتك..ماتـت حـروف ابجديّـه=فـي غيبتـك ماتـت طيـور البساتيـن
فـي غيبتـك مانيـب لاقـي المنـيّـه=حتى الممات ف..غيبتك ما خـذ الديـن
فـي غيبتـك جـارت همومـي عليّـه=في غيبتـك يرثـي لحالـي ..مساكيـن
فـي غيبتـك نامـت جـروح البريّـه=في صدر من يعشـق عيونـك لهالحيـن
حتى الفـراق اللـي صفـع وجـه ليّـه=كنّه نسي فـي غربتـه رعشـة ايديـن
يلعـن أبـو جـدّ الضـروف الغبـيّـه=وشلون تكسـر خاطـر القلـب بالبيـن
مثـل الجريـح ومـا لقـوا غيـر كيّـه=وشلون يصبر لا غدا الجـرح جرحيـن
باقـي علـى الميثـاق والعهـد زيّــه=مـا يختلـف ودّي مثـل مـا تقولـيـن
باقـي بقـايـا قـلـب مـالـه بقـيّـه=شيليه فـي حظنـك دفـا كـان تقويـن
والحـق علـى يابـس خفوقـي بريّـه=خلّيـه يـروى مـن محبّتْـك ويلـيـن
قبـل يْتمـادى باقـي الـشـوق فـيِّـه=تكفيـن يـا روحـي وتكفيـن تكفـيـن
[/poem]