المشاركة الأصلية كتبت بواسطة شداد العتيبي
[frame="7 80"][align=center]اسعد الله جميع أوقاتكم بكل خير
قديمه ومتواضعه تستاذنكم المرور بإتجاه الديوان
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ذراي وعزوتي وعصاب راسي معمي العدوان=عضيدي لاكبرت وجيت عود وصرت وحداني
عسى ربي يجيبه ذيب ويجيني كما الشيهان=ويقوم بواجب المولى وماجوبي كحيلاني
الا يالله تحفظلي شبابه ياعظيم الشان=يربي بس هالدعوه تلبيها على شاني
ابشيله على متني يلين يضفله جنحان=ولامنه كبر سلطان قلت أكفخ بجنحاني
ترفع عن مكان الذل وأهجر مقعد الحقران=ابيك تجيني الأول ماأبيك تجيني الثاني
على يمناي أبدربك من ميدان في ميدان=مدام الله عطاك يدين ياسلطان ولساني
مبي يشغلك لاعازف ولامطرب ولافنان=ابيك تجود الطاعه ولامن شبت ترعاني
وعلى أسم الوافي المطنوخ سميتك بأسم سلطان=أبيك تصير ياسلطان ابن شداد سلطاني
تجي سلطان فالمجلس وفي صدره تكون حصان=تراك أنته مثل سيفي ورمحي وأنته حصاني
ترى خطوى الولد لاخالط أهل العرف والشيبان=تخرج من مجالسهم قوي العزم دنداني
يخاف الله وأبوه وغيرهم وش كان مهما كان=يقول الله وأبوي وبس يأمرني وينهاني
مثل ماكان هاك الذيب أبن شالح ولد هدلان=ومثل عقاب وحجاب العواجي خطل الأيماني
والأيالله تكفينا ضنا الغبن وضنا الخسران=ومن يرجي منافع هالكديش أكيد خسراني[/poem]
وسلامتكم [/align][/frame]
رد مع اقتباس
