[align=center]
للتواصل مع الكوكبه المميزه
في هذا الموقع الجميل
نقول[/align]
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
عشت الشقا والألم والهم والحيره=سبعه وعشرين عامٍ يابري حالي
فيها ربيع الأمل ماشفت (نوّيره)=عزّاه للي مثل حالي وعزّالي
رغم ان ما للفرج في واقعي سيره=الاّ ان عزمي على المكتوب ياقالي
في الكرب .. يالله عسى ماصابني خيره=يالله عسى باكر الأيام تصفالي
حتى ضحكلي الزمن ونّست تغييره=واظهر علي مودمٍ رايم على جالي
حياه شبّ العواذل كلّها غيره=يفداه منهو تحالا المشي بطّالي
فيه الحلا والحسن يبهرك تصويره=ساعة توعيّت طرفه .. قلت ياوالي !
لا اقدر أنا خالفه وأعيف تبذيره=ون جيت باصامده ماهوب اشوالي
احترت في الحالتين .. النفس .. شرّيره=تامر على أتناوش ماتهيّالي
ياقلب دام الفرح لاحت تباشيره=ارقا لذروة سعادة الأرض طوّالي
مادام معك لحسين الوصف تأشيره=اعبر حدوده .. وطيّب فالك وفالي
غروٍ يبيني ونفسي ماتبي غيره=مرّه وحاليه عندي كلّها حالي
أضيع في كثرته لو زاد تقصيره=وأضيق من قلّته لو صب همّالي
يجيرني من لهيب الشوق وأجيره=أشرب هماجي قراح ان وقّف قبالي
أعْشقه عِشقة بخيل الشام للّيره=واحن له حنّة اهل الدار للجالي
وتْعب على بسمته ماليب تكديره=شوفة ثمانه تطفّي لاهب الصالي
مابين حدب الضلوع مشيّدٍ ديره=غادٍ على حبّها وأشواقها والي
عشت أجمل أيام عمري تحت تأثيره=ان غاب عن حد شوفي .. ساكنٍ بالي
عقبه بنات البسيطه كلّهن ... غيره=ماعاد يقون على حزني وغربالي[/poem]
[align=center]
أخوكم
فهد بن عبدان[/align]