من قديمي المتجدد ..
مرحلة جديدة أعتز بها ...
أحرقت ما كتبت قبلها !!
وبدأت من هنــــا ..
طيفك الجامح
زرت ماضيك اشتياقي ولهفتي ..
تنفض غبار الليـــالي وحدتي ..
أسأل الأبواب عــنك ليتـــها ..
ماتجاوبني ... تحيّر حيرتي ..
مانويت البعد أو حتى اللقا ..
كلمة الدنيا ..تكّســـر كلمتي ..
أرتعش أحساس واتناثر وله ..
وانتخي موتي واجدد طعنتي ..
الثواني وقت أطول من عمر ..
من عيوني ولعيونك نظرتي ..
والخجل كنّه يناديني تعال ..
والأماني صدق واسأل شهقتي ..
واسأل كفوفك من اللي ضمها ..
يوم بانفاسي قريتي قصتي ..
كنت بيديني وكان المستحيل ..
أجرح ترابك وادنّس ديرتي ..
........................
آه يادمــــــعٍ تعبت أستنزفـــــه ..
ماقدرت أرضيك وارضي دمعتي !!
ان جفيتك تهت في صحرى الشقا ..
وان سريتك ماتدلّــــك نجمــــتي
وان تذكرتك تذكرنّي الألم ..
وان تناسيتك نستني فرحتي ..
طيفك الجامح تغلغل ف..الحشا ..
وبرقك البارح سكن في مهجتي ..
أنتظرتك ليت عمري ينتظر ..
تمشي الخطوة وتوقف دنيتي ..
نامت عيوني على حلم اللقا ..
تركض سنيني وتبطي ليلتي ..
لاتعذبني وتحجب بسمتك ..
بعد ماضاقت بوجهك بسمتي ..
وش بقى لي من عيونك دامني ..
صرت أحزانك وصرتي غربتي ..
وحي الحرمان