طال إنتظاري في غيابك ولاجيت
أنـا دخيلـك لايطـوّل غيـابـك
ياما على شوفك وقربـك تمنيـت
والشوق ياخذنـي ليـا حـد بابـك
شوقنّي إرشاش المطر ثم مريـت
غصناً تلطف بالمطر من سحابـك
غصناً لظاه القيض يومأ أنك أقفيت
وأبطيت ياغيم المطر وش بطابـك
لاتعتذر مني تراك أنت ما أخطيت
أعتب وحبي لـك محبـة عتابـك
وأشره علي إن كانني لغيرك أبديت
بوح الغرام اللـي بدربـي بدابـك
ولاتعتذر شفني لشوفـك تحريـت
بس أعتذر هوليش؟ طـول غيابـك
ثم أدفني جرحك وقولي تناسيـت
ثم أعبري قلبي بروضـة عذابـك
ثم أكتبي حرفك بروضـاً تعديـت
ثمّـاً وثـم وثـم ننسـى غيابـك
وأجيك بالحروه وأنا لـك تعنيـت
رجلاً طواه البعد فـي درب بابـك
مستشفقاً فيـك الغـلا وأستشفيـت
نسمة عبيراً مـن نسيمـاً شجابـك
وليا أجتمع فيك الرعد وأستجهيـت
أمطر على غصن الضما من سحابك
ثم أفخري بالشعر بيتاً ورى بيـت
من شاعراً دنياه حضـرة جنابـك
الى هنااااااااااااااااااااااا ا لن اتووقف عن البحث عن الروعه
معك ايه المبدع
ساعود لنفس القصيده من جديد
حتى تاتي انت بالجديد
صح السانك الغالي
اخوك
رهين الوقت