يقال الشعر هو التعبير عن عن شعورك أو ما يجول بخاطرك وقد يكون خيال أو حقيقة
وشعور ي هذه المرة غلب عليه شعور الحقيقة فقد تقابلت مع أخي وصديقي الشاعر عبدالله بن راجس ذات مساء وقد وجدته نعم الرجل ولله الحمد و نعم الأخ ونعم الصديق فكما يقال الحب من أول نظرةفكذا الأخوّة من أول مقابلة فقد وجدت أخي عبدالله من أول لحظة قابلته فيها ذلك الرجل الذي تتمنى مقابلته وتتشرف بمعرفته والشكر لله أولا ثم لأخي الغالي ابو عبد الرحمن الذي أصر علي في ذلك المساء على حضوري حيث قال لي نرغب بالتعرف عليك وسيكون في استقبالك جمع من الأحبة وقد صدق فقد لقيت والله إخوة أعتز بمعرفتهم ومؤاخاتهم ومن غير قصور في جميع الأحبة الذين قابلتهم فإنني أهدي هذه القصيدة لهم ولأخي الكبير الشاعر عبد الله بن راجس حيث لا حظت منهم ذلك الإحتفاء والتقدير لشاعرنا الكبير وبعد أن تسامرنا تلك الليلة
وبمرور الايام تيقنت بأنهم على حق في ذلك الإحتفاء والتقدير .
[poem=font="Arial,6,white,normal,normal" bkcolor="limegreen" bkimage="" border="inset,10,green" type=2 line=0 align=center use=ex num="0,black"]
السلام اعداد بارق ارعديّه=عدّ ما خالت مخيلات البوادي
وعدّ من صلى وصام في البريّه=وعدّ من زار الحرم رايح وغادي
الجليل من السلام والتحيّه =عطرها يفوح عنبر ٍ وكادي
ياابن راجس صفحتك بيضا نقيّه=وكل ابو صحايفك بيض وجدادي
الكرم طبعك وصمتك لك سجيّه=حكمةٍ صمت الرجل وقت الهدادي
ذكرك معمم وعندك مقدريّه=للمراجل جود ٍ وعزّ ورشادي
يالغبوق اللي حلاته سكريّه=القراح الغِمْر قاحي ِ وبرادي
يالصديق الصادق مخاوي خويّه=خوّتك تشرى بحزّة الطرادي
يالخوي يابير سري والشكيّه=مثلي وانت مثل شعبين بوادي
يالنديم اللي لمن طرا عليّه =فز قلبي شوفتك بُرِّي وزادي
منطقك سليم والنِّفس رضيّه=يقتدى بك بالفعل فعلك سدادي
ياابن راجس يا معادي ِالرديّه=السّند لا جا لزوم الإستنادي
ياعوين اللي تبلا ّه البليّه=علـّها ما تـْلـَبـّس بسودِ الحدادي
يالأمير ابن الأمير وتـِمّ ليّه =قولة ابشر من صفات ابن الجوادي
لا عدمتك قم تمزهل وانو نيّه =القلم ما يكتب الا بالمدادي
يحفظك ربي لمن جات المنيّه=ياابن الاجودي مقامك بازديادي
حب خشم الوالد وهاذي وصيّه =آل راجس قادو فزعة البوادي
السّبيعي عِزوته لها حميّه=يعتزى بها لمن نادى المنادي
راجس الطولات وعْزومه قويّه=سيف ٍ ابرق ٍ على رقاب الأعادي
عدّكم مورد ضماكم والرّكيه=نبع صافي يارده حاضر وبادي
راجس اللي مقلطٍ شحم الثنيّه=ضَوّه اللي ما بعد صارت رمادي
فزْعته وشيمته رقم الهويّه =عند ربعه بالحواضر والبوادي
كم زبين ٍ زابنه حمى مديـّه=من يجيره يبشربلين الوسادي
ثبّته ربّي ويجزلـْه الجزيّه=يوم تاقف الخلائق بالتنادي
قلتها عزّ ومودّه وحميّه= ولا ّفانت فوق كلِّ الإعتمادي
ختـْمها مسك ٍ وعنبرْ والتحية =من عبقها يفوح منها ريح كادي
قالها الجبابرة حزّة عشية =في خويه ابن راجس الريادي[/poem]
والى لقاء ذات صباح مع صبوح ٍ حلاته سكريّه
رد مع اقتباس
المشاركة الأصلية كتبت بواسطة متعبة عسافها
