[poem=font="Simplified Arabic,6,black,bold,normal" bkcolor="transparent" bkimage="" border="solid,4,darkblue" type=2 line=0 align=center use=sp num="0,black"]
ياحمدوالليال السود نعم الخوي=
علمتني عن الصدقان شي كثير
وبان بالعين راع العيب هو والسوي =
صرت اميّز بعيني عقب ماني ضرير
الليالي تحدتني بعزم القوي=
لين ضاعت علوم اللي جعلته عشير
والله اني بناره يا حمد منكوى=
ناسي العهد ما حسب لشيء كبير
يوم انا صاين العشرة بسلم بدوي =
صنت عهد الصداقة ما عرفت المصير
صرت من كاس غدره يا حمد مرتوي=
لين تاهت دروبي ما عرفت المسير
لين خلى حياتي والفناء مستوي=
ما خذيت النصيحة ما سمعت النذير
اشهد ان الصداقة جرحها معنوي =
ما تشافى طعونه لو لزمت السرير
خلتن يا عضيدي دايماً منطوي=
وسط غربة وجفني كل ليلة سهير
وصار درب مشيته يا حمد ملتوي=
الجهل ما يعقب كود شي خطير
بس يكفي كفاية كل شي طوي=
وصرت اعرف الليالي والزمان المرير
يا حمد والليال السود نعم الخوي=
درستني حياتي لين صرت الخبير [/poem]