هل تتذكر طفولتك؟؟؟إذآ أدخل وجاوب...

[كليوباترا]

اوصف طفولتك بجملة واحدة 00

حزينة + رائعه
<<<كيفي مابي كلمه خليتهم ثنتين

*ما هو اجمل موقف او اجمل ذكرى تتذكرها من طفولتك ؟

تلعب بالرمل انا وعيال عمتي وناااسه

*ما هو أصعب أو أحزن موقف مر عليك في طفولتك ؟

حراميين دائما يلعبوون ويخلووني بروحي

*ما هي أجمل هدية تلقيتها في طفولتك ولم تنساها لليوم ؟

بيت لباربي وشنطه كلها ملابس باربي للآن محتفظة فيها

*هل هناك انسان معين كرهته في طفولتك .. ولماذا ؟

ايه فيه كان واحد من قرايبي يدخن وخايف اني اقول لأهله فكان يوريني

حمامه ويقوول لي شفتي هذي في الليل تصير مثل الديناصوور

وتأكل اللنمام

ومن يومها وانا اكرهه هوو مع الحمام

*كلنا انضربنا وتكفخنا اكيد
لكن ما هي اصعب مرة تكفخت فيها ولا زالت محفورة في ذاكرتك وسبب الطق وش كان؟

خالي عطاني كف محتررم علمت عليه امي

الحمد لله ماذكر مرة ابوي او امي ضربونتي

*هل كنت غيور بطفولتك من اخوانك؟

لا لأني اكبر وحدة واكثر وحدة دلوعه انا وللآن دلوعه الماما والبابا

*وش اكثر وافضل لعبة كنت تلعبها و أنت صغير ؟

دفتر تلوين باربي وعروسة باربي

*موقف ظريف ماتنساه طول عمرك؟

كنت دلوووعه مستحيل امشي في الشارع يايركبوني سيارة اوأي احد يشيلني

على ظهرة وظلت معي ذا الحاله الى الروضه بعد كذا خلاص

*هل ستربي اولادك بنفس الطريقة التي تربيت بها في طفولتك؟

نعم مع بعض التعديلات



يسلمووو رووحي

موضووع جميل

تحياتي

كيبوو

[وردة التوليب]

كيبووو

كنت دلوووعه مستحيل امشي في الشارع يايركبوني سيارة اوأي احد يشيلني

على ظهرة وظلت معي ذا الحاله الى الروضه بعد كذا خلاص

ههههههههههههههههههههههههه ههههههههههه
والله مستغلتهم صح

أشكرلك حظورك عيوني

[السماهر سامي ساري]

[glow=FF6600]عزيزتي أميرة الورد
اشكرك على انك اعدتنا الى ايام الطفولة
لكن انا لم اتذكر ان هناك كان تكفيخ او ضرب مبرح في طفولتي
لان كان لي ظروف خاصة كوني ترعرعت في بيت جدي لامي
فلم اتعلم الا الادب والتوجية والمناقشة الهادفة التي ما زلت
استمد منها ما اسطيع لربية ابنائي بنفس الطريقة [/glow]

[وردة التوليب]

السماهر اللامعة

كان ودي تذكرين لنا مواقف مانسيتيها من طفولتك
وأشكرلك طلتك عيوني

[شعاع الحزن]

*ما هو اجمل موقف او اجمل ذكرى تتذكرها من طفولتك ؟

يوم ولادة اخوي وليد كانت الوالده الله يخليها تصارخ وانا كنت اصارخ وياها .. ليش ما كنت ادري :)
*ما هو أصعب أو أحزن موقف مر عليك في طفولتك ؟

وفاه خالي الكبير ؛؛ علي ؛؛الله يرحمه لانو كان مدلعني مرررره ..
*ما هي أجمل هدية تلقيتها في طفولتك ولم تنساها لليوم ؟

تعليقه مكتوب عليها آيه الكرسي ولغاية الان مازلت البسها كل يوم ..طبعا كانت هديه من خالي الله يرحمه
*هل هناك انسان معين كرهته في طفولتك .. ولماذا ؟

بنت خاله امي ... لانها دائما كاتنت تخزر بعينها فيني


*كلنا انضربنا وتكفخنا اكيد
لكن ما هي اصعب مرة تكفخت فيها ولا زالت محفورة في ذاكرتك وسبب الطق وش كان؟

كانت من ابوي الله يحفظها كنت مزوره مستواي الدراسي يوم كنت في خامس ابتدائي >>> شسوي كانت علامة العلوم واطيه كثير ..
*هل كنت غيور بطفولتك من اخوانك؟

يمكن شويه من اختى اللي اصغر مني كانت امي اكثر الاوقات تاخذها للسوق معها وانا تتركني عند خوالي
*وش اكثر وافضل لعبة كنت تلعبها و أنت صغير ؟

العرايس
*موقف ظريف ماتنساه طول عمرك؟

مره اختى اللي اصغر مني بسنه تقول لي انا بركب فوق دولاب المطبخ وانتي اوقفي هنا مشان اطيح بحضنك انا تحركت عنها كان راسها يضرب في طاوله الاكل جلست اضحك عليها طول اليوم وهي جبهتها متورمه خضرا على بنفسجي
ههههههههههههههههههاي

*هل ستربي اولادك بنفس الطريقة التي تربيت بها في طفولتك؟

الله على حسب الزين نأخذه والشين نهمله ..

[وردة التوليب]

مره اختى اللي اصغر مني بسنه تقول لي انا بركب فوق دولاب المطبخ وانتي اوقفي هنا مشان اطيح بحضنك انا تحركت عنها كان راسها يضرب في طاوله الاكل جلست اضحك عليها طول اليوم وهي جبهتها متورمه خضرا على بنفسجي

رضا قلبي

ههههههههههههههههههههههههه ههههههههههههههههههههههههه هه
ههههههههههههههههههههههههه ههههههههههههههههههههههههه ه
ههههههههههههههههههههههههه ههههههههههههههههههههههههه ه
حرام عليك وش سويتي في البنت!!
والله موتيني ضحك

أشكرلك طلتك عيوني

[ناعمة]

*اوصف طفولتك بجملة واحدة 00
كنت بريئه مسالمه ومالي دخل بالعالم الثاني

*ما هو اجمل موقف او اجمل ذكرى تتذكرها من طفولتك ؟
لا اذكر الان

*ما هو أصعب أو أحزن موقف مر عليك في طفولتك ؟

كنت مره العب انا بنت جيرانا (( الحين بينقهرون ناس لسمعوا اني جايبه طاريه ..خخخخخخ )) المهم كنا ذاك اليوم نلعب ((دوووووور ))

فبيتنا وانا الام وهي ام الجيران وصدقت عمري اني ام ودخلت المطبخ ابطبخ يقالي ولعت الفرن والكبرييييييت

وقال .. بووووووووووووم بوجهي

بس الحمد لله جت سليمه

وكان ذاك الوقت برمضان وامي رايحه تصلي بس فيه اختي الكبيره وكانت عندنا جالسه

واجلس اصييييييييييييييييييييييي يييييح وكانوا اخواني طالعين بالشارع عند اصدقائهم

سمع اخوي الصوت وجاء يركض اثري الا الحين اصيح وصديقتي تضحك علي <<< ما اقول الا الشرهه على اللي يعزمك

ويطلعوني من البيت بيودوني لخالتي لانهم مايدرون وش يسون بي وانا اطلع قال ولد جيرانا .. رموش ماكو رموش !!

ويهز راسه كأنه هندي قاهرني الا الحين ودي اعظه هههههههه

*ما هي أجمل هدية تلقيتها في طفولتك ولم تنساها لليوم ؟

لا اذكر

*هل هناك انسان معين كرهته في طفولتك .. ولماذا ؟

اييه طبعاا بس الحين اقول الله يجزاه خير
وهو خااااااااااالي لأنه ياوويل اللي يطلع بالشارع من دون نعال
>>>> والا طلعة الشارع عادي عنده خخخخخ

*كلنا انضربنا وتكفخنا اكيد
لكن ما هي اصعب مرة تكفخت فيها ولا زالت محفورة في ذاكرتك وسبب الطق وش كان؟
مااذكر لاني كنت مسالمه ودوبي دوب حالي
وماكنت العب مع الاولاد او اتحرش فيهم او اناقرهم مثل اختي اللي اكبر مني

*هل كنت غيور بطفولتك من اخوانك؟

لالالا

*وش اكثر وافضل لعبة كنت تلعبها و أنت صغير ؟

لعبه ((( الدووووووووور ))))

*موقف ظريف ماتنساه طول عمرك؟

اللي ذكرته تو مع اني انهبلت وارتعت ونشفت دموعي ذاك اليوم الا انه كلما تذكرته انا صديقتي اموت من الضحك

*هل ستربي اولادك بنفس الطريقة التي تربيت بها في طفولتك؟

لالا... اييييه اييييه ... والله تبين الصراحه مدري

هههههه

ومشكوره حبيبتي على الموضوع الروعه مثلك

[وردة التوليب]

متغربلة

ههههههههههههههههههههههههه هههههههههههههههه
والله منتب صاحية
وشلون تجازفين وتفتحين الفرن!!!
والله شكلك بايعتها بتبن وانتي صغنونه
هههههههههههههههه

أشكرلك تواجد الرائع عيوني

[ناعمة]

أميرة الورد

من ناحيه بايعتها خالصين منهاااااا

خخخخخخخخخ

[رمــــــاد]

[align=center]
أسعد الله أيمامك بكل خير ومسره ..
والله يعطيك العافيه أختي أميره الورد على هذه الفكرة الجميلة والرائعه..
وأنا سعيده بالمشاركة يهذا الموضوع المجدد للذكريات الجميلة..

وهذه أجاباتي


1. اوصف طفولتك بجملة واحدة 00
مشاكسه ...

2. ما هو اجمل موقف او اجمل ذكرى تتذكرها من طفولتك ؟
والله كثييييييييييييييييييييييي يير ..
مره كنت أنا و هلي راحين لمنتزه وكان يسكر الساعه 10 شوكه..
عاد أنا ما شبعت لعب وهم قرايبي بعد بنات وأولاد" الشله " معاي ما شبعوا ..
طبعا بما أنني القائده.. ومن حضنا أن السيارات تأخرت علينا ..
غافلنا أمهاتنا.. وراحنا داخل المنتزه وهو مقفل والأنوار مطفيه ..
وأبد ... على الزحليقه الطويله ذيك الملونه.. <<< مفاجيع ..
" بس ما كنا ناخذ راحتنا وحنا نلعب مع الناس "..
عاد كنا عصاقل كلنا ودخلنا من بين أعمدة بوابتها ..
وبدا اللعب على أصوله.. شوي راكبين على الدرج ومتزحلقين
وشوي نركب على الزحليقه نفسها.. ويلا نصنا طالع ونصنا راكب ..
بس كان وناسه .. ومحدش داري .. والزحليقه صارت مملكتنا لحالنا ...
وبما انني صاحبة الفكرة المستنيرة..
حاشني مطع من أذوني.. الله لا يوريكم.. بس كانت من أحلى ذكريات طفولتي ..

3. ما هو أصعب أو أحزن موقف مر عليك في طفولتك ؟
الحمدلله كانت طفولتي سعييييييييييده بدون دموع ولا أحزان..
ومن كبرنا ... ياعيني..
هلت علينا هالخربيييييط..

4. ما هي أجمل هدية تلقيتها في طفولتك ولم تنساها لليوم ؟
يا ويلي والله كثييييييييير..
أمممممممممم.. صح دب بني كان خشمه بني غامق ويوم من الأيام أنكسر خشمه وصار مكانه وردي
بس حبيته أكثر يوم أنكسرخشمه, صار شكله غرييييب وكان عزيز مره من بين ألعابي..
.. كانت هديه من جدتي الله يحفظها ويخليها لي يارب..

5. هل هناك انسان معين كرهته في طفولتك .. ولماذا ؟
لا .. كنت أتضايق فتره بعدين أرضى بس ما كنت أكرهه..

6. لكن ما هي اصعب مرة تكفخت فيها ولا زالت محفورة في ذاكرتك وسبب الطق وش كان؟
إيه قلتي تكفيخ.. يا طويلت العمر في ذات عصرية مشؤومة ..
كنت كاشخه أنا وأختي فتبادرت إلى ذهني أنا نقعد عند باب بيتنا..
وشوي نفذت الفكره .. وكان جنب بيتنا بيت ومن وراه براحه على زاويه ..
اخذت أختي نستطلع المكان ...... وأختي طبعا مع الخيل يا شقراء..
رحت وأخذت صحوني وأغراض الطبخ حقتي ..
وبسطنا بالتراب وقعدنا نلعب إلين ظلم الجو..
رجعنا البيت ويا عين ما تشوفي الا النور..
هلي قالبين علينا الدنيا..
اللي يدورنا ببيت فلان وعلان واللي يدورنا في أرجاء البيت..
أبوي مطعني من أذوني لين ما حسيت أنها راح تقوم ..
وأمي بس قبضتني.. كفختني لين حرمت شي اسمه؟؟ تكشخي واقعدي عند الباب <<< وما يتبع القعده

7. هل كنت غيور بطفولتك من اخوانك؟
في طفولتي لا.. بس يوم كبرت يعني أحيانا..

8. وش اكثر وافضل لعبة كنت تلعبها و أنت صغير ؟
الباربي وملحقاتها.... <<< وما أكذب عليكم أن قلت ودي العب فيها اللحين.. مصرقعه..

9. موقف ظريف ماتنساه طول عمرك؟
والله مايحضرني .. أنا طول وقتي مواقف <<< أصلح في حلقات طاش ما طاش..

10. هل ستربي اولادك بنفس الطريقة التي تربيت بها في طفولتك؟
ليش لأ .. بس من ناحية اللعب.. راح أطلق لهم العنان .. <<< أخاف بس أنا اللي ألعب بألعابهم..


تحياتي الورديه أختي الغاليه..
مع كل الود..

دمتي بصحه وعافيه

أختك..

[glow=CCCCCC]رمــــــــــاد..[/glow][/align]