الأخ الشاعر زايد العتيبي باح لنا بمصافحة أولى وقد كانت الأجمل ومن باب التقدير والمحبة
للشاعر الكريم ولشعراء ورواد غرابيل أحببت بأن يكون لي معه شرف اللقاء .
أحفروا أسمي مع الأسماء الكبار
ورجعوني فاالأمل طفلاً صغيـر
***
وابعدوني عن سواليف الصغار
ومنحوني حكمة الشيخ الكبيـر
***
ونزلوني في منازيـل الحـرار
ورفعوني عن حماقات الحقيـر
***
وقابلوني مـع تهاليـل النهـار
وتركوني في دجى الثلث الأخير
***
ووعدوني وعد مافيـة انتظـار
ولا تجوني في يصير وما يصير
***
وشرهوني بالعويـدي والبهـار
وحرموني من شراب الزمهرير
***
عز نفسي فوق عن كل أعتبار
والله إني لو أعيش بهـا فقيـر
***
الكرامة عند أهلهـا مـا تعـار
يعلم الله مـا تعـار ولا تعيـر
***
مجلسً فيه الفضيلـة والوقـار
خير ليه لو فراشة من حصيـر
***
شددوني في صحاصيـحٍ قفـار
وش يفيد الذل فالنـور المنيـر
***
كل ماقلت استوى حظي قـرار
مايوقع غير من حينـه يطيـر
***
وماجمعه النمل في أيامـاً كثـار
ياكله في رمشت العين البعيـر
زايد العتيبي
_________________
مرحبا ترحيبة ٍ سر وجهـــــار
عطرها مسك ٍ وعنبر وعبير
***
اقلط ارحب حول دلة والوجار
سَم لا شلت يمينك يا كبيــــــر
***
مرحبا بك بالغدي وتالي النهار
ومرحبا بك حيثما كنت بتسير
***
شرهتك عودٍ وهيل الزنجبار
والثنية والشحم ما نتب غرير
***
يالعتيبي أبشر بعزٍ وكــــــار
لك مكان عندنا ما له نظير
***
بين حشمة ما يبا لها اختبار
بين تقديرخويا وفزعة نصير
***
في غرابيل المحبة لا تحار
بابنا مشرّع ولادونه خفير
***
عبدالرحمن الجبابرة
شكرا لك أخي زايد العتيبي على منحي هذه الفرصة الطيبة والسموحة على القصور