أجر صوت الحزن يوم الحزن غنى
كسير وكل الهم بخواطري...وحيد ودي أشكي
واللي يقرا لي يقول مبدع ..ما يقول وش بلاك يا إمعنى
صدقيني يالحزينه الحزن محد يقدر يشيله لحاله
لازم نشكي لبعض.. يوم شفتج كنج نسخه عني
كلج هموم وأحزان.. والله ما شفت الصدق إلا بخواطرج انتي
آه يالحزينه
تدرين حفظتج قبل تقراج عيوني
دونج الناس ما بيها ...يالله نجمع خطاوينا
نمشي بدرب واحد ايدي بيدج
آه يالحزينه
أنام الليل متلحف بدمعتي ومتوسد صبري
أمني النفس بآمال لكن الحزن يحطمني
أطرز الوحده بيوت مهجوره
آه يالحزينه
أشوف الحزن في كل كلمة من فنج ..ودي أشيله وأخليه بقلبي
والله بتحمل لو راحتج
وتنسكبين دموع من عيوني
ودي أكون كل ليلة صوت دافي ..يريح قلبج انتي يالحزينه
ودي أقول كل اللي بصدري
لكن كيف أوصله والخوف يسكني
ليش قصايد الحزن في شارعج مرميه؟
من اليوم بنقش اسمج في قلبي واديني
وهالخاطرة لهموم قلبج بسميها الوداعيه
يالله يالحزينه قومي نتساعد على هموم الدنيا
تنغرسين هموم بصدري