[align=center]بسم الله الرحمن الرحيم
اعتذر عن غيابي .. الخارج عن إرادتي .. واتقدم لكم بهذه القصيده
القديمه عسى ان تنال اعجابكم[/align]:
[poem=font="Simplified Arabic,5,white,normal,normal" bkcolor="transparent" bkimage="backgrounds/36.gif" border="double,4,skyblue" type=2 line=0 align=center use=ex num="0,black"]
(( جزر / مد ْ ))
:
عقب البطا جتني عن الحال تنشـد=تبي تشوف شلون صارت حياتـي
مدري طواها الضيم او هزها البعد=مدري على حالي نوت بالشماتـي
جاوبتها باني صبور وبعـد جلـد=ماينحني راسي ولو فـي مماتـي
ماهمني من راح عني ومن صـد=طبعي عنيد وعزتي هـي ثباتـي
ماتدري ان الحال من بعدها انهـد=واني كتبت ابيات ترثـي رفاتـي
واني عشقت الليل والهـم والسهـد=ومن زود مافيني كرهت المباتـي
عجزت لا نساها وغلاها بلا حـد=ام العيون السود زيـن الصفاتـي
لولا غرور ٍ فـي حناهـا تسيّـد=وأعمى بصيرتها وخيّب رجاتـي
والله لأعشقها مـن المهـد للحـد=مجنونها واقضي العمر بأمنياتـي
قالت ترد : وقلت ياكيف ابـى رد=عقب الذي منك صـدر ياغناتـي
هذا كلامي وافهمي غايـة القصـد=ارجوك روحي وادمحي لي خطاتي
يابنت دام الحب له جـزر ٍ ومـد=وانتي جزرتي وصل فالمد ياتـي
وسلامتكم[/poem]