في البداية أشكر كل إلي ردوا على مشاركتي الأولى والي أتمنى أنها تكون حازت على إعجاب الجميع ,,, ويالله نحط أيدينا في أيدين بعض علشان ( ندخل ها المنتدى المربع ).
عندي مشكله أو ....... ما ادري وش اسميها وابغى القى لها حل الله يرحم والديكم ( وين الأخ يطر ) - من جد الموضوع .
مشكلتي إني قلب حساس !!!! لا من جد مشكلتي إن أي شي أتوقعه يصير ( سبحان الله ) أو أي شي يصير أحس فيه قبل ما ادري عنه , وعلشان اقرب لكم الصورة أكثر أبذكر لكم بعض الأحداث إلي صارت لي وأنتم احكموا
يعني ما صاحت إذنك !!!! وبعدين ؟ . يعني لو صارت مشكله في البيت ( بيت الأهل ) اياَ كانت المشكلة تجيني ضيقه الله لا يوريكم ويصير دمي ثقيل ( أثقل من كذا ) وإذا اتصلت عليهم ( يعني شوفوا إن عندي تلفون ) يبلغوني إن فيه مشكلة صايرة , طيب وش رايكم إني أمس وانا رايح للعمل قاعد أقول في بالي أني بأدخل المكتب ويبلغوني إني ترقيت , وبالفعل أول ما دخلت المكتب إلا والشباب يبلغوني انه جاني ترقية على الرياض ( طبعاَ انتم عارفين إن ترقياتنا ما تجينا في محلنا , وش ألحكمه ما ادري ) المهم , الأحداث كثيرة ما ودي أطولها عليكم طبعاَ المشكلة رغم إن ها الموضوع فيه فوائد لكن مضاره أكثر لأنه مجرد ما تحس بشي إلا وانبير الحرارة صاك المليون وينتفخ راسك ومير على أعصابك قاعد لين تعرف وش السالفة , ويمكن مره يطلع الموضوع فشنك ويطلع إحساسك منسم .
بقول لكم قصه صارت لي قبل فتره . يوم من الأيام وكان نهاية الشهر وانتم عارفين إن الموظفين نهاية الشهر لو تنفضهم ما لقيت معهم ريال , كنت واقف عند الاشاره وقاعد أفكر أو أتمنى أن معي دخان ( احلى يالداشر ) وغرشة كوكا باردة , لأن الجو كان حر ورطوبة ( تخيلوا إن ذاك اليوم مامعي قيمة الدخان والكوكا ) وش رايكم في أسلوب الطراره ,,, لا من جد المهم وانأ قاعد أفكر إلا وغرشة كوكا اضاهر توها مفتوحة جايه تمشي ميتين ودردب في قزاز موتري – عما – التفت أدور مصدر ها القذيفة وأشوف سيارة فيها سواق ووحده راكبه ورا وماده لسانها والله لا يوريكم أنواع الشتايم والسب الحقيقة اني ما استحملت ونزلت من السيارة أبتفاهم ( ما ضنيت شجاعة من الروعة والله ) خير عشى ما سر قالت يالي ما تستحي على وجهك قاعد تقز وتناظر فينا بلا حيا وبلا خجل وأثري وأنا قاعد اهوجس مطير عيوني فيها وانا ما ادري لدرجة إني ما وعيت إلا والغرشة في الدريشه , طبعاَ اعتذرت وركبت سيارتي ومشيت وحمدت الله إن الدريشه الي يمي ما تنفتح وإلا كان رحت ضحية الكوكا والهواجيس , بس إلي قهرني في الموضوع إن الكوكا كانت مليانه ( حسافه ) وانكسرت ودريشة سيارتي بنت ..... ما جاها شي ... تصدقون لولا الحيا كان صديت في اقرب شارع وإلا ارض وقعدت الحس الدريشه .
شوفولي حل يا جماعه الله يخليكم .
وسلامتكم ,,,,
رد مع اقتباس
