السلام عليكم ورحمة الله وبركاته
حيالله الجميع
بصراحة أنا إنقطعت عن النت لفترة قصيرة بس من جد أكتشفت إني مدمن على الأنترنت
المهم هذي مقدمة لموضوعي لهذا اليوم
لأني قمت من النوم وحصلت نفسي لحالي
كل العائلة نايمين
<===== صاحي الساعة 7,13 صباحاً
بصراحة توهقت بنفسي ما أدري وش أسوي قلت يا ولد روح لأخوك شوف وش عندة
إذا صاحي ألعب أنت وياة دوري الياباني
رحت لقيت أخوي نايم وشوي أسمع صوت في الغرفة المجاورة
قلت الله يستر لا يكون حرامي طاب في بيتنا أمس :واو:
المهم رحت أدربي راسي أشوف وش ذا الصوت لقيت أخوي الصغير ( يبلغ 6 سنوات ) يلعب في مكعباتة ويصدمها بسيارة متعفطة مع كل جهة :اخ:
قلت له وين أمك يا أبو الشباب ؟
قال لي : وش دخلك
قلت في خاطري والله إنك أخو كبير على غير سنع حتى ذا البزر :بايو:
إلي إذا وقف يوصل لركبتي وهذا ردة علي
جلست أتلفت يمين يسار ما أدري وش أقول له
بيني وبينكم خفت أطقة يروح لأبوي وهو نايم ويلعن شكلي أنا وذا البزر (( تعرفون النايم ما علية شرهة ))
قلت طيب روح قوم أمي وأعطيك ريال (( مسوي بأغرية ))
قال ما أبي ريالك
قلت له تكفى أبي أفطر
قال لي طيب إنزل تحت وأفطر
أو روح لمطعم وأشتر بريالك فطور
بغيت أتهور وأفرشة ( يعني أطقة أو أصفقة ) لكن تمالك نفسي وطلعت من الغرفة وقلت ألحين وش أسوي ؟؟
ما فيني حيل أسوق على ذا الصبح . دئلت
يالله أروح أدخل على النت شوي وأوسع صدري
كالعادة أفتح أول شيء الماسينجر أشيك على الرسايل وأسولف مع التماسيح إلي معاي
فتحت الماسينجر ولا واحد متصل ألحين غريبة
يالله مو مشكلة
فتحت مواقع الأخبار وجلست أقراء شوي مليت وشيكت على الرسايل
فيه كثير من المنتدى رديت عليها وشيكت على المنتدى على السريع
طلعت من المنتدى قلت بأدور مواقع جديدة أو أفلام بلوتوث أو أي شيء يوسع صدور الأعضاء
فعلاً طحت على صورة مت عليها ضحك
--------
يقولك في ناس منسمين
ويقولك فيه ناس مطيحين الموانة
ويقولك في ناس مساطيل
ويقولك فية ناس بايعينها
ولكن ذا الصورة بصراحة ما حصلت لها تفسير
شكل الوالد معطي عيالة وجهة
[img]http://gareeb33.********************************************/yabdoo.jpg[/img]
قديم الولد
الأبو مشخص يا حليلة ما درى عن ولدة
أتمنى تعجبكم الصورة
تحياتي للجميع
حقوق القصة محفوطة للكاتب الغريب ( إلي هو أنا ) مب أمخمخ وأخر شيء يجي واحد ويزرف قصصي
الغريب
رد مع اقتباس
