المشاركة الأصلية كتبت بواسطة سعيدالشمري
[poem=font="Simplified Arabic,4,orange,bold,normal" bkcolor="gray" bkimage="" border="solid,4,darkblue" type=2 line=0 align=center use=sp num="0,black"]
[البارحه في ليل مظلم وقاسي=
هم وسهر واحزان ماهي بسيطه
غرقت في بحرن بليا قياسي =
وسط الهموم اللي خذاني محيطه
قلت العذر والعمر كله ماسي =
الهم رحاله وقلبي خريطه
خل الهواجس مهدها وسط راسي=
تاخذ علي كيفه وتطوي شريطه
مليت اجامل ناس ماهم بناسي=
ومليت اعدل بالنفوس العبيطه
شفت البشر شتان ماهم سواسي=
دام الحرار اليوم ماهي لقيطه
وشفت الزمان المر ماهوسياسي=
يطعن وشذراته علينا سليطه
دنيا تقلب ماعرفله مراسي =
كم فرقتنا والعلاقه وطيطه
تجيك يوم ويوم فيه انتكاسي=
تعلا بنا يومن ويومن هبيطه
وانا خذيت اليوم فصلن دراسي=
جربت بالدنيا تجارب غويطه
والطيب يبقى بين ذاكر وناسي=
احدن يزيد الجرح واخر يخيطه
ولافاد صبرن صار تاليه ياسي =
دام الرشا ماعاد يسعف مقيطه
ولولاي اداري علتي باحتراسي=
وانخى بيوت الشعر تبقى نشيطه
كان انتهيت بليل مظلم وقاسي =
وصارت حياتي للهواجس ربيطه [/poem]
رد مع اقتباس
