[align=center]الله يمسيكم بالخير
رسائل الجوال من المساجلات الجميلة
ويا كثرها
لكن جاتني رساله غير في الكلمات والمعنى
واحببت المشاركة بالرسالة بعد ما رديت عليها
الرساله[/align][poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياليت ان الزمن يرجع ياليت ان الليالي تدور=ويرجع وقتنا الاول وننعم في بساطتنا
نروح المدرسه بدري ونضحك داخل الطابور=نحاول نزعج العالم بروحتنا وجيتنا
كبرنا وصارت الدنيا تصف احزاننا بالدور=وكلن غارق بهمه وبالاخر تشتتنا[/poem]
[align=center]الرد[/align][poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دخيلك لاتذكرني دهورن من وراها دهور=نهار إنا بثوب المدرسه نلعب بكورتنا
زمانن مانشيل الغل في قلوبن ولا في صدور=صلاة العصر نتخاصم ونتراضى في ساعتنا
نصلي فرضنا مع البشر بلا وضو وطهور=وبعد المغربيه كل ابونا عند جدتنا
تقصص من قصص عبله وعنتر خلها المشهور=وتعطينا قبل نسري بشنطتها حلاوتنا
ياحسرتي ياونتي على عصرن مضى وعصور=وصرنا اليوم في وقتن نعادي به جماعتنا
ونتبادل ونعطيهم ونهديهم جفا وقصور=ونركع كل ابونا للريال وتحت حاجتنا [/poem]