دخيلك يا زمان ارجوك يكفي قلبـي الطعنـات
تعب ينزف دمي منك وحالـي ليتـك تشوفـه
دخيلك وردتي ماتت بعد ما جفـت العبـرات
وحالي ما بقى بي حال مغير يديـن مكتوفـه
انا كلي جروح من انخلقـت وكلـي بعـلات
يمين امشي شمال امشي زماني شاهر سيوفـه
زمان ما صفالي يوم ولا بـه للفـرح خانـات
زمان مكشـر انيابـه وانـا بلـواي مكشوفـه
تعبت من البكى يا وقت دخيلك ما بقى صيحات
تعبت اشكي تعبت ابكي جروحي منك معروفه
حزين وعايش بدنيا ابد ما فيهـا مـن لـذات
ابي مره ولـو مـره تـروف بحـال متلوفـه
له الله زمـان اليـا بفيتـه شانـت الهقـوات
هقيت اني ابفرح ميـر مـا زانـت ظروفـه
فمان الله زمان للدموع اشعلـت لـي شمعـات
ابمشي للنهايـة وانـت مـا عنـك حسوفـه