[align=center]بسم الله الرحمن الرحيم
السلاااام عليكم
اقدم شكري الجزيل للأخ محمد السليس
على دعوته لي واتشرف بالمشاركه معكم [/align]
[poem=font="Simplified Arabic,5,white,bold,italic" bkcolor="black" bkimage="" border="double,9,sienna" type=2 line=0 align=center use=ex num="0,black"]
ياهاجدس الليل قلبـي زادت شطونـه=والنفس يعصف بها الطاري ويشقيهـا
البارحه يوم كلـن نامـت عيووونـه=النـوم حـارب عيونـي مـا يدانيهـا
يالله دخيلك ولـه واشـواق مجنونـه=وايـام ذقنـا مرارتـهـا وحاليـهـا
هبت رياح القصيد وزانت لحو نه=والكلمـة الطيبـة واجــب نبديـهـا
في خاطر ي حاجةٍ ماهيب مضمنونـه=ازريت لا قولهـا وازريـت لاخفيهـا
وش حيلة اللي غدابه حب مزيونـه=وابعد حراويـه عـن يمـة حراويهـا
سجيت يـوم الهـوا كانـو يطرونـه=وذقت العنـا فـاول الطرقـة وتاليهـا
من يومهـا كـل دربٍ يختلـف لونـه=والشوق نـاره محـد يقـدر يطفيهـا
تبغـون علـمٍ صحيـح ولا تناسونـه=الله حسيبي علـى الفرقـا وطاريهـا
كم ذوقتنـي عـذاب البعـد وغبونـه=وغتالة افـراح نفسـي مـع آمانيهـا
الجادل اللي عـن الـزلات مصيونـه=حب الشرف والكرامـه ميـزةٍ فيهـا
أن حبهـا القـلـب بالله لاتلومـونـه=راع الولـع علتـه محـدٍ يداويـهـا
مابين حبـل الرجاوالليـاس وطعونـه=يابري حالي على من صافح ايديهـا
المترفه قلبهـا مـا يخلـف ضنونـه=تشتـاق والبعـد حادينـي وحاديـهـا [/poem]
[align=center]وسلامة قلوووبكم
اخوكم سعد العصيمي [/align]