أحبتي في غرابيل التميّز
السلام عليكم ورحمة الله وبركاته
أتمنى أن تحوز على رضاكم واستحسانكم
غصبن علي ماكان هـذا اختيـاري
أنتِ لك ظروفك وانا عندي اسباب
***
عنيـت يمكـن تقبليـن اعتـذاري
وقفت لحظه انظـر لعتبـة البـاب
***
تدرين انا اعزك واحبـك وشـاري
رضاك وظني والأمل مابعد خـاب
***
جوريتـي هـواي فيـك افتخـاري
من غيرك اقصد فيه واكتب له اكتاب
***
رضاك من هالحين احطـه شعـاري
ولاّ فغيرك ماحسبنـا لـه احسـاب
***
حوريتي من غيرك ارضي واداري
ومن غيرك أصلاً قلبي ابحبها ذاب
***
حبّك قسم انـه مـع الـدم جـاري
لك الغلا في القلب ياعـز الاحبـاب
***
اشعاع طيفك نور يضوي مسـاري
ان غاب طيفك اظلمت والسفر غاب
***
قسـم أحبـك دوم ماهـي طـواري
حبك بقلبـي نابت ٍ نبـت الاعشـاب
***
تحيتي لكم