من قديمي الغابر ارجوا ان تنال على بعض الاستحسان والقبول
[poem=font="Simplified Arabic,6,black,bold,normal" bkcolor="white" bkimage="" border="inset,3,gray" type=2 line=0 align=center use=ex num="0,black"]
عبرة قلم سالت على خدود الاوراق = وحبر القلم من دم جرحين منها
عبرة قلم والحبر من دم الاعماق = وشلون مااكتب عن هواها وعنها
والشعر دام انه مزاجات واذواق =كلن هواجيسه بكيفه وزنها
وعندي هواجيسي على الكيف تنساق =سوق المهار اللي مجوّد رسنها
بالذات انادمها اذا جات الاشواق =القا الهجوس الساريه وامتحنها
واسري وراها لين تقبل بالاشراق =واخذ صفاوتها واغني لحنها
والله ماادور ورا شعري ارزاق =بيض القصايد من يدور ثمنها ؟؟
رغم السهر رغم الخساره والارهاق =اكتب لها شعري ووصّـف حسنها
والله لو مااعطيت عهدٍ وميثاق= ما ادون اشجاني .. ولا اكتب شجنها
عاهدتها من قبل لاتنوي فراق= اني لغني كل ما اذكر غبنها
لو كان بعض الصبر ما عاد ينطاق= ملعون من قال اعتمدها وخنها
ياكثر ماني يالمخاليق مشتاق= وياكثر مااغليها واقدّر ضعنها
حبيتها حب النشاما للاخلاق= وتحبني حب الشرود لوطنها
سكنتها مابين رمشي والأحداق= وياليتها ماهاجرت عن سكنها
ودعتها واصبحت اغني للافاق = والطبع سجني والعوايد سجنها
من يسأل الدنيا عن اسباب الاملاق* = ومن يسأل إعظام القبر عن زمنها ؟؟
ياناشدي اعرف ترى الوقت بواق = اسأل عن الدنيا واجاوبك عنها[/poem]
* الأملاق / في القرآن الكريم تعني الفقر والجوع
تقبلوا فائق التقدير والاحترام