هكذا الدنيا ارادة ان ... اتجول بين الضيق والحسره
ولم اجتهد لأفرح لكذا سبب ...
اهمها خوفي من العواقب ... والتعقيب على ما افعل
.. ولم ابدل الهم بالفرح لكذا سبب اولها واهمها ..
اللى يبني ابيه واللى ما يبيني ما يشوف شر
وان الحزن وفي ويتم وفي في قلب الانسان ... حتى النخاع
ليس كالبعض
هكذا اتت ....
لأبي .. مع الف تحيه
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
ضاقت الدنيا بعيني يا يبــه = ضايقٍ صدري وضيقت الصدور
الحزن في ضامري شب حطبه= والمشاعر كلها قامت تفور
الحزن فيني كتيبه مدربٌه= آتحاشي حربها خايف تثور
الحزن والله .... يشبهني شبه = والحزن بقلوب خلق الله يبور
الحزن فيني كبيرٍ منصبه=مايعيٌن قلبي الضايق سرور
صايرٍ قلبي مثل ( قش صلبه )= يايبه قلبٍ شقي محظ معثور
ملت اسماعي يبه قول ذهبه=الحزن فيني وصل حد الفجور
حاضرٍ لوٍ شعوري غيٌبه= حاضرٍ يزهاه بغيابه الحضور
يا يبه جروحي نديه مشربه = فاضت احزاني وانا صبعي صبور
صابرٍ والضيق يفتل شاربه= والفرح في مهجتي ماله مرور
الجروح اتجمعتْ .. بي.. مأْدبه= وقمت بالواجب ولا مني قصور
كل جرحٍ غصب اصير معزبه=ول يا قلبٍ على الضيق امعمور
وين ما لديت وجهي قالبه=صار لي عالحاله يالغالي شهور
كل داءٍ له دواء .. يطببه=من بعد فضل الولي وعبدٍ شكور
الا داء القلب واللى ... عذبه =ماله علاجٍ على مر العصور
يا يبه والله ما غيرك يبه = ماحدٍ غيرك على رايي جسور
انت تدري كل عيب مجنبه = ولو يجي تحت قدمي .. تكرم يغور
الخطا يا لعنبو .. من عقبه = حتى لو انه يبه كان معذور
ولعنبو رجلٍ اذا الوقت غلبه= وانت ما ترضى على السمعه غيور
فكرة الطيب تجيك مرتبه= ما تردى بالزمن لو هو يجور
وكل رجلٍ لو تحقق مطلبه = كان ما تلقى رجل طاح امغدور
زيف هالدنيا مشاعر متربه= (وصدقها رجلٍ غبي وبنتٍ سفور)
الحرار اللى تجيك مسربه= يايبه ماهي مثل باقي الطيور
انت عارف كل همي واسببه=موقفٍ منه غدى دمي يفور
الليال دروس تدري متعبه=عارفينٍ منتهانا .... للقبور
الليال دروس قبلي مجربه=وعادة الدنيا يبه لازم تدور
يا يبه احترت والله يا يبه = ضايقٍ صدري وضيقت الصدور
[/poem]
[align=center]فهد نهار ....
من هناك [/align]