في خاطرك شي تعال قول هنا ...!!!

[عاشق الحزن]

السلام عليكم ورحمة الله وبركاته ،،،


بصراحة انا حبيت اتكلم عن موضوع قد يكون ظاهر اكثر من ماهو عادة سيئة فبصراحة نجد كثير من الاشياء التي ترفع الضغط مع الاصرار والترصد في الشارع ...

لكن لا اعلم هل يتفق معي البعض او قد يكون لديه الموضوع اكثر من عادي ..

لا احب ان اطيل عليكم الحديث ...


اكيد يا شباب فيه تصرفات بعض اصحاب السيارات بالشوارع ترفع الضغط
فمنها بعض هذه الحركات التي ترفع الضغط ..


(( بعض الناس يمسك اليسار بالدائري ويمشي 60 كم ))

ومنها ايضاً

(( الي يجيك يمشي 200 ماسك الخط الاصفر بالدائري ويطير الحصى الصغار والغبار الي جمب الصبه عليك ))

وايضاً

(( فيه بعض الناس يمشي وراك وانت ماسك اليسار على الدائري وماشي بسرعه قانونيه وخذ يا تكبيس بالنور والمشكلة انه يكون جمبك سيارات على المسار الاوسط على يمينك ومتقدر تبعد ومع كذا يكبس ))

مدري يبينا نطير ولا وش الحل برايه ؟

هذا طبعا ما احببت ان طرحه لكم ...

واترك لكم الباقي ...





اخوكم // ياتاعبني ..؟

[راعية الشوق]

صباح الخير اخوي الغالي

معاك حق بكلامك والله شي يقرف وكل كوم والشوارع بالصباح كوم وقت الروحه للجامعه والاشغال استغفر الله العظيم تجيك السكته من اول شي الشوارع مزحومه وعندك محاضرة الساعه 8 يعني يا ويلك لو تتاخر مافي طرد خلاص واذا جاء واحد يمشي على مهله يقول يبغي يروح الدوام على الظهر واحنا مستعجلين انا ما اقول كذا عشان يعني اشجع السرعه بس في شوارع تتطلب السرعه اشويه ويمكن تكون ما تنفع فيها التمهل بس اماكن لا والله تشوف السرعه مالها داعي فيها

موضوع جميل خلتيني اطلع اللي في قلبي على الشوارع والسياقه

راعية الشوق

[يزيد]

ياتاعبني

انت جيت على الوتر الحساس بقوه :


(( بعض الناس يمسك اليسار بالدائري ويمشي 60 كم )) ....... أكيد سوداني

(( الي يجيك يمشي 200 ماسك الخط الاصفر بالدائري ويطير الحصى الصغار والغبار الي جمب الصبه عليك )) .......... كامر بدون طيس مصبغ الجنوط اسود

(( فيه بعض الناس يمشي وراك وانت ماسك اليسار على الدائري وماشي بسرعه قانونيه وخذ يا تكبيس بالنور والمشكلة انه يكون جمبك سيارات على المسار الاوسط على يمينك ومتقدر تبعد ومع كذا يكبس )) ........النوعيه هذي من فصيله ابو طاقيه

وفيه شي ثاني بعد اذا كانت الاشاره حمراء ومسك اليمين ووقف والعالم وراه بيلفون يمين وهو بيروح سيده ( ولا حد بيهمني ) |4|

والادهي من كذا .......... انت واقف اول واحد عند الاشارة ... ويجي الأخ معه خمسه من الشباب من اقصي اليمين ويعرض قدامك على خطوط المشاه ومرتبه السواق طااااااقه في ركب اللي في المقعد الخلفي ( انواع الطناش ) |2|

ويقولون ليه السكر والضغط والقولون منتشرة

تحياتي ياتاعبني

[البطي]

ايه والله في خاطرنا كثير على السواقة ورفعت ضغطنا

تسلم اخي يا تاعبني

الدخول من شارع خدمة الى رئيسي وبسرعة عالية

وكذلك الخروج من الرئيسي للخدمة

قطع الاشارات

الرد على الجوال وهو اللي يسوق

عدم ربط الحزام مع ان له فوائد له شخصيا

التفحيط ومصائبه العظيمة

سواقة صغار السن دون ال 17

ولا تنسوا بعض مخالفات سيارات المرور انفسهم

واترك الباقي للاعضاء

تحياتي لك

[الطير]

والله أخوي يا تاعبني موضوع رائع ...

كل الي قلته على عيني وراسي لكن أنا مضيق صدري ثلاث أشياء وهي كالآتي : -

* أنها تتحداك حرمة وهي مهيب قد التحدي و أسأل هيام الروح ...

((((((((((((((((((((((( خذيها برواق أناقايل أني بأشرشحك يا هيووووووووم لكن بدون زعل ))))))))))))))))))))) :D

* زحمة الصباح وأنت رايح للدوام أو عندك موعد ...

* التفتيش الي حاصل الأن المشكلة مهوب على التفتيش المشكلة في التأخير الي يسونة لك من جراء هذا التفتيش (( يعني يأخرونك عن مواعيدك المهمه )) .. :o

تقبل تحياتي .. :)


الطــــــــــــــــــــــ ـير (( طير الحب )) ;)

[][*+عجــايب+*][]

ألف شكر على هالموضوع..

اسمح لي بهالإضافة :


اللي يرفع الضغط أكثر إذا كنت ماسك يسار وعلى السرعة القانونية ماشي

وتلاقي واحد قدامك يمشي باقل منك .. ومايوخر

تكبس له باللمبات ....... ومايفيد معاه ولا يوخر

تلزق بسيارته لزق .... يعني افهمها ووخر ... وماااااا يوخر

تدق أنواع الهرنات ..... ومااااا يوخر ..

وش تسوي معاه هذا ؟؟؟؟




ولا الثاني اللي ماسك بالإشارة يمين .. ويوم تفتح تلاقيه لاف يسار ...







وشكرا ..


ع ج ب 333

[JAWAD]

موضوع متعب مرررة

بس بأجازف بنفسي واكتب إللي في خاطري ... والله يجيب العواقب سليمة

المضايقات كثيرة في الشوارع ولكن اكثر ما يزعجني هووووووووووووووووو

(1)
انك نكون واقف في الإشارة ومعاك اهلك ...... وما تدري غير كل الموجودين بالسيارات إللي جنبك يناظرون فيك ..... كأنك مجرم .... لما يجيك احساس انهم جالسين معاك في السيارة.

(2)
وانت ماشي في امان الله تشوف مذنبات هالي طالعة من شباك السيارة إللي امامك ومتجهه نحوك ... مما يضطرك للتصرف المفاجئ والذي لا يحمد عقباها

(3)
ناس بايعين اعمارهم .... يشوفك ماشي في امان الله مع ذالك يصر انه يقطع الشارع غصب عنك ..... فتجلس انت وهم في شد وجذب ... لما الله يعديها على خير


القلوب ممتلئة فدعونا مع باقي الأعضاء

اخوكم/JAWAD

[مفرح بن مناحي]

أنا أكثر شئ يقهرني ... شئ واحد ... طبعاً مع ما ذكره الإخوان ..

والشئ هذا لما تكون واقف عند إشارة ... وتنتظر تفتح الإشارة ... وأول ما تصير خضراء ... تسمع أنواع الإزعاج من السيارات اللي قدامك واللي خلفك .. كلهم يدقون بوري ( هرن ) .. طبعاً الموضوع يمكن يصير عادي وتقول كل واحد يبي ينبه اللي قدامه إن الإشارة خضراء .....
بس اللي يقهر من جد ولا أنا لاقي له حل ...
هو اللي أول واحد واقف عند الإشارة ... إذا افتحت خضراء .. يدق بوري .. مدري ليه .. مع إن ما قدامه أحد :( !!!!!!!!!!!!!

لك أطيب التحايا ... من أخيك سهم المنايا <<< بدون بوري :)

[زينة الدنيا]

لاوكل هذا كوم وسواقنا كوم.................(سواقنا منهم)

الناس مستعجلين الصبح ويجيك الأخ ماشي لك ان كثر 60 في الخط السريع والمحاضره قدها بدت الساعه 8 لا وتوه يذكر نسى ماعبى السياره بنزين
لا وغير توقيفات السوبر ماركت (من صباح الله خير) واذا فيك خير كلمه
ومتى نوصل تسع الا ربع يعني نطلع قبل المحاضره بساعتين عشان نوصل مع هالزحمه
والمشاكل اللي تكلمو الاخوان عليها............الله يكون بالعون




"................... زينة الدنيا

[هيام الروح]

والله مدري

الللي اشوفه الاصوات المزعجه اللي تزعج الواحد من الصباح

والحين صارت عندنا مشكله ثانيه

كل مامشينا شبر ...خصوصا بالظهران ...تفتيش وحاله

وخذ ياتأخير