[poem=font="Simplified Arabic,4,black,bold,normal" bkcolor="transparent" bkimage="backgrounds/24.gif" border="none,4,gray" type=2 line=0 align=center use=ex num="0,black"]
انجــــــبرنا بالمحبه في طريق العاشقــــــــين =
يوم قلبي ما منعني في طريقي لشــــارعه
الليالي عذبتني في طريقــــــي والســـــــنين =
لين صارت كل خطوة بالمفـــــارق طامعــــه
ماتوقعت الضحيه قلبــــــي اللي ما يليــــــــن =
وما طرالي انك اجفــــــل من طيورٍ شالعــــه
كنتي حلمـــــي اللي اشوفه مثل كل الحالمين =
وكنتي اجمل ما نظــــــرته بالعيون الدامعــه
وكنتي اقرب من خفوقي لا تضـــــايق تقربين =
وصرتي ابعد من خيالي للسماء السابـــــعه
وكنتي ابعد من ظنوني ما طرالـــــي تبعدين =
وكنتي ابعد من صفات الكبرياء الضايــــعه
واذكر انك لو سمعتي ، ماسمعتــي ، تذكرين :=
اني اقرا ما سمعتي بالعيون الساطـــــعـــه
و ما هقيت ان المحبة كلمتـــــــين بكلمتـــــين =
لين بان اللي حكابه يوم وقـت مـــــوادعــــه
لبّستني بالظلــــيمه ،، وادبلتـــــها مرتيـــــن =
واستفزت بالمشاعر واستــــــثارت فازعـــه
والله اني بالخطــــيه ما أتعمّد بالدفيــــــــــن =
كان شـــــفت الثانيه ،، معها ثلاث ـ ورابـعه
كود زله ما قصـــــدها طالب ٍ لمدرسيـــــــــــن =
دارسٍ بأول سنـــــــينه طامحٍ للجامعـــــــــه
كيف وانتي في عيونــك نظرة الشوق الحزين =
لعنبوا ذيك المحـــــــبه وش بلاها طالــــــعه
والغريب بكل سهوله رحتي وأدري ترجعين =
وإعتذرتي بالخطيه يوم جيتي راجــــــــعــه
دام كل البيض ( مثلش ) نقص عقل وقل ديــن =
يستر الله وش وراهم بالليـــــــالي الجايــعه[/poem]
على العجمي